- جالپى, بولىپ جاتقان وقيعانى ءبىر اۋىز سوزبەن شولساق, ناقتى سەكتوردا, ياعني ءبىر تاۋاردى جاساۋ, شيكىزاتتى وڭدەپ, ودان ءبىر زات جاساۋ ىسىندە قازاقستان اقىرىنداپ العا جىلجىپ كەلەدى. بۇل توقتاپ تۇرعاننان, نەمەسە كەرى كەتۋدەن الدەقايدا جاقسى. بىزدە تەك بيۋدجەتتىك ديستسيپلينامەن عانا پروبلەما بار. ال ەكونوميكانىڭ ناقتى سەكتورى, اسىرەسە قايتا وڭدەۋ باعىتىندا جاعداي جامان ەمەس.
ءبىزدىڭ ەكونوميكامىزدىڭ كارتيناسىن مۇلدە قايتا جازىپ, شيكىزات ساتۋعا تاۋەلدى ەلدەن سول شيكىزاتتى وڭدەپ, دايىن تاۋار شىعاراتىن ەلگە اينالدىرۋ ءۇشىن ءىرى جوبالاردى ىسكە اسىرۋ كەرەكتىگىن قازاقستان باياعىدا تۇسىنگەن بولاتىن. قازىر وڭدەۋ سالاسىندا 17 مەگا جوبا جاسالۋدا. وسى كەزدە بۇلار نە جوبالار, سوندا ناقتى نە ىستەلىپ جاتىر دەگەن سۇراق تۋىندايدى, - دەيدى ساراپشى.
دەرەككە قاراعاندا, 17 ينۆەستيتسيالىق جوبانىڭ جالپى قۇنى شامامەن 14,6 تريلليون تەڭگەنى قۇرايدى.
- بۇل ءبىزدىڭ ۇلتتىق قوردىڭ تەڭ جارتىسى. نەمەسە رەسپۋبليكالىق بيۋدجەتتىڭ كىرىس بولىگىنەن ءسال عانا ارتىق.
17 جوبانىڭ 9-ى يندۋستريا مەن قۇرىلىس باعىتىندا. 4 ەنەرگەتيكالىق جوبا بار. اۋىل شارۋاشىلىعىندا ەكى جوبا, تۋريزمدە ەكى جوبا.
وسى جوبالاردىڭ بارلىعى جۇمىس ىستەگەن كەزدە ءبىزدىڭ ىشكى جالپى ونىمىمىزگە 7,3 ميلليارد اقش دوللارى قوسىلادى. 26,4 مىڭ تۇراقتى جۇمىس ورنى اشىلۋى ءتيىس, - دەلىنگەن ايبار ولجاەۆتىڭ جازباسىندا.
