فوتو: استانا قالاسىنىڭ اكىمدىگى
قالا اكىمدىگىنىڭ حابارلاۋىنشا, جاڭا قۇرامدار قىتايدىڭ تانشان قالاسىنداعى زاۋىتتا وندىرىلگەن. ولار اۆتوكولىكپەن قىتاي مەن قازاقستان ارقىلى وتەتىن 5300 شاقىرىمنان اساتىن مارشرۋت بويىنشا تاسىمالدانىپ, ەلورداعا ون كۇن ىشىندە جەتكىزىلگەن.
«ۇزىندىعى 60 مەترلىك جىلجىمالى قۇرامدار GOA 4 دەڭگەيىندەگى اۆتوماتتاندىرىلعان باعدارلامالىق-اپپاراتتىق كەشەنمەن جابدىقتالعان, ول كەلەسى فۋنكتسيالاردى قامتاماسىز ەتەدى: ەسىكتەردىڭ اۆتوماتتى تۇردە اشىلىپ-جابىلۋى, توقتاۋ جانە جىلدامداتۋ, دەپوعا كىرۋ جانە شىعۋ, قۇرامداردىڭ جاعدايىن باقىلاۋ, سونداي-اق پويىزدار اراسىنداعى قاشىقتىقتى قاداعالاۋ. قۇرامدار تولىقتاي اۆتوماتتاندىرىلعان, باسقارۋ جۇيەسى جۇرگىزۋشىسىز جۇزەگە اسىرىلادى جانە وپەراتورلار تاراپىنان ۇنەمى باقىلاۋدا بولادى. اتالعان قۇرامداردى ءوندىرۋ بارىسىندا زاماناۋي, جەڭىل جانە بەرىك ماتەريالدار قولدانىلدى. بۇل شەشىم جولاۋشىلارعا قولايلى ديناميكالىق سيپاتتامالار مەن جوعارى دەڭگەيدەگى اكۋستيكالىق جايلىلىقتى قامتاماسىز ەتۋگە باعىتتالعان», دەلىنگەن حابارلامادا.
جىلجىمالى قۇرامداردىڭ تەحنيكالىق سيپاتتامالارى:
- ۇزىندىعى – 59,97 م;
- ەنى – 2,8 م;
- بيىكتىگى – 3,8 م;
- قۋات كوزى: ءۇشىنشى رەلس, 750 ۆ;
- سىيىمدىلىعى – 600-دەن استام جولاۋشى;
- ەڭ جوعارى جىلدامدىعى – 80 كم/ساع;
- ورتاشا پايدالانۋ جىلدامدىعى – 39,5 كم/ساع;
- سالماعى – 94 توننا (جولاۋشىلارسىز).
جاڭا پويىزدار زاماناۋي, جەڭىل ءارى بەرىك ماتەريالداردان جاسالعان, بۇل جولاۋشىلارعا جوعارى دەڭگەيدەگى اكۋستيكالىق جانە ديناميكالىق جايلىلىقتى قامتاماسىز ەتەدى.
ايتا كەتەيىك, ۆاگونداردى ساتىپ الۋ جانە تاسىمالداۋ جۇمىستارى EPC-كەلىسىمشارت اياسىندا جۇزەگە اسىرىلعان, ياعني بۇل ءۇشىن ەل بيۋدجەتىنەن بولەك قاراجات بولىنبەگەن.
