فوتو: ەرلان ومار
سونىمەن قاتار, اۋىل شارۋاشىلىعى تەحنيكاسىن جەڭىلدەتىلگەن ليزينگ ارقىلى ساتىپ الۋعا 250 ملرد تەڭگە باعىتتالدى. اتالعان باعدارلاما بويىنشا شارۋالار جىلدىق 5% مولشەرلەمەمەن قولجەتىمدى قارجىلاندىرۋ الا الادى.
قاراجاتتىڭ اۋىل شارۋاشىلىعى قۇرىلىمدارىنا تولىق ءارى ءتيىمدى جەتۋىن قامتاماسىز ەتۋ ءۇشىن قاراجاتتى ءبولۋ التى ءتۇرلى ارنا ارقىلى جۇزەگە اسىرىلىپ جاتىر. ولار:
- «اگرارلىق نەسيە كورپوراتسياسى» اق (انك);
- ەكىنشى دەڭگەيلى بانكتەر • ميكروقارجىلىق ۇيىمدار;
- وڭىرلىك ينۆەستيتسيالىق ورتالىقتار;
- نەسيەلىك سەرىكتەستىكتەر;
- الەۋمەتتىك-كاسىپكەرلىك كورپوراتسيالار (اكك)
«ەلىمىزدە اوك تاريحىندا العاش رەت ەگىس جۇمىستارىن قارجىلاندىرۋ ناۋقانى الدىن الا – 2024 جىلدىڭ جەلتوقسان ايىنان باستالدى. بۇل مەملەكەت باسشىسىنىڭ تاپسىرماسىمەن جۇزەگە اسقان 2025 جىلعى ەرتە قارجىلاندىرۋ باستاماسىنىڭ ارقاسىندا مۇمكىن بولدى. وتىنىمدەردى قابىلداۋ باستالعالى بەرى 7407 ءوتىنىش كەلىپ ءتۇستى, ولاردىڭ جالپى سوماسى 493,5 ملرد تەڭگەنى قۇرايدى. قازىرگى ۋاقىتتا 6988 ءوتىنىش ماقۇلدانىپ, قارجىلاندىرىلدى. بۇل 7,3 ملن گەكتار القاپتا ەگىس جۇمىستارىنا دايىندىق جۇرگىزۋگە مۇمكىندىك بەردى», دەلىنگەن حابارلامادا.
ايتا كەتەيىك, كەپىلزات جەتكىلىكسىز بولعان جاعدايلار ءۇشىن «دامۋ» كاسىپكەرلىكتى دامىتۋ قورى ارقىلى مەملەكەتتىك كەپىلدەندىرۋ تەتىگى قاراستىرىلعان. بۇل جۇيە اياسىندا مەملەكەت نەسيە سوماسىنىڭ 85%-نا دەيىنگى بولىگىن كەپىلدەندىرەدى, ناتيجەسىندە شاعىن جانە جاڭادان باستاعان شارۋالارعا دا قارجىلاندىرۋ قولجەتىمدى بولا تۇسكەن.
قازىرگى تاڭدا وسى تەتىك بويىنشا جالپى سوماسى 166,5 ملرد تەڭگەنى قۇرايتىن 1134 كەپىلدىك بەرىلىپ, 195,9 ملرد تەڭگە كولەمىندە نەسيە راسىمدەلگەن.
