فوتولار; وبلىس اكىمدىگى
سەسسيانى اشقان وبلىس اكىمى اسسامبلەيا ءوزىنىڭ 30 جىل ىشىندە ەتنوسارالىق بەيبىتشىلىك پەن كەلىسىمدى نىعايتۋ ءۇشىن بىرەگەي تۇعىرناماعا اينالعانىن اتاپ ءوتتى, سونداي-اق مەملەكەت باسشىسى قويعان مىندەتتەردى دايەكتى ىسكە اسىرۋدىڭ ماڭىزىنا توقتالدى.
«ەتنوسارالىق كەلىسىم مەن بىرلىك – ءبىزدىڭ ءوڭىرىمىزدىڭ تۇراقتىلىعى مەن دامۋىنىڭ نەگىزى. بارلىق ەتنيكالىق توپتار اراسىنداعى دوستىق پەن ءوزارا تۇسىنىستىكتى نىعايتۋ بويىنشا بىرلەسكەن جۇمىستى جالعاستىرۋ ماڭىزدى. قازاقستان حالقى اسسامبلەياسى تولەرانتتىلىق مادەنيەتىن قالىپتاستىرۋدا جانە ءار حالىقتىڭ سالت-داستۇرلەرىن قۇرمەتتەۋدە شەشۋشى ءرول اتقارادى. ءبىز جاستار كوشباسشىلىعىن دامىتۋعا جانە مەملەكەتتىك ءتىلدى ناسيحاتتاۋعا باعىتتالعان باستامالاردى قولدايمىز. وبلىستىڭ بارلىق تۇرعىندارى ءۇشىن ۇيلەسىمدى جانە گۇلدەنگەن بولاشاقتى قامتاماسىز ەتۋ ءۇشىن بىرىگىپ جۇمىس ىستەۋىمىز قاجەت», دەدى وبلىس اكىمى.
جيىندا نەگىزگى باياندامانى وبلىستىق ىشكى ساياسات باسقارماسىنىڭ باسشىسى الىبەك باينەشوۆ جاسادى. ول پرەزيدەنتتىڭ تاپسىرمالارى اياسىندا وڭىردە ەتنوسارالىق تۇراقتىلىقتى نىعايتۋ بويىنشا كەشەندى جۇمىستار جالعاسىپ جاتقانىن جەتكىزدى. ەتنومەدياتسيانى دامىتىپ, جاستار اراسىندا مەملەكەتتىك ءتىلدى ىلگەرىلەتۋگە, سونداي-اق ەتنوستاردىڭ مادەنيەتى مەن ونەرىن دارىپتەۋگە كوڭىل ءبولىنىپ جاتىر. بۇل باعىتتا قحا مۇشەلەرىنىڭ قاتىسۋىمەن رەسپۋبليكالىق كونفەرەنتسيالار مەن سەمينارلار ۇيىمداستىرىلدى. سونىمەن قاتار, اسسامبلەيانىڭ جاستار قاناتى مادەنيەتتى, ءتىلدى جانە ۇلتتىق قۇندىلىقتاردى نىعايتۋعا باعىتتالعان جوبالاردى بەلسەندى تۇردە جۇزەگە اسىرىپ كەلەدى.
«وسى باعىتتا مەملەكەت باسشىسىنىڭ قازاقستان حالقى اسسامبلەياسىنىڭ XXXIV سەسسياسىندا بەرگەن تاپسىرمالارىن جۇزەگە اسىرۋ ماقساتىندا وبلىستىق دەڭگەيدە جول كارتاسى بەكىتىلدى.
ەندىگى كەزەكتە قازاقستان حالقى اسسامبلەياسىنىڭ نەگىزگى 13 جوباسى وبلىستىق باسقارمالاردىڭ, اقتوبە قالاسى مەن اۋدان اكىمدىكتەرىنىڭ اتاۋلى داتالار مەن قوعامدىق ماڭىزى بار ءىس-شارالار جوسپارىنا ەنگىزىلەدى», دەدى الىبەك باينەشوۆ.
سونداي-اق, ول «قوعامدىق كەلىسىم» عيماراتىن تۋريستىك كارتاعا ەنگىزۋ جۇمىستارى باستالعانىن جانە جىل سوڭىنا دەيىن اتالعان نىسان مەن وبلىستىق تاريحي-ولكەتانۋ مۇراجايىندا مادەني كورمەلەر وتكىزۋ جوسپارلانعانىن ايتتى. سونداي-اق, بارلىق اۋداندا شىعارماشىلىق ۇجىمداردىڭ قاتىسۋىمەن «دوستىق كەرۋەنى» كوشپەلى كونتسەرتتىك باعدارلاماسى وتكىزىلەدى. سونىمەن قاتار, «ەلتانۋ» جانە «بىرلىگىمىز – الەۋمەتتانۋ» جوبالارى اياسىندا ەتنومادەني بىرلەستىكتەر مەكتەپ جانە كوللەدج وقۋشىلارىمەن كەزدەسۋلەرىن جالعاستىرادى.
سەسسيا بارىسىندا «رودينا.KZ» ەتنومادەني بىرلەستىك توراعاسىنىڭ ورىنباسارى ۆيكتوريا سۋراي دا ءوز پىكىرىمەن ءبولىستى. بىرلەستىكتەر الداعى ۋاقىتتا دا مادەني جانە اعارتۋشىلىق جوبالاردى دامىتۋ ارقىلى بىرلىكتى نىعايتۋعا ۇلەس قوسۋدى جالعاستىرادى.
ال, جاستارعا قاتىستى باستامالار جايىن اسسامبلەيانىڭ جاستار قاناتىنىڭ وكىلى ياكۋب تاماەۆ ايتىپ بەردى. ول «جاستار اسسامبلەياسى» تەك بەلسەندى ازاماتتىق قوعامداستىق ەمەس, سونىمەن قاتار ناعىز پاتريوتيزم مەكتەبى ەكەنىنە توقتالدى. جاستار بىرلەستىگى قازاق ءتىلىن ىلگەرىلەتۋ بويىنشا «SŪQBATTAS» پودكاسى, «مامىلە» كلۋبى, «Söileqazaqşa» ايدارى سياقتى جوبالاردى ىسكە اسىرادى, سونداي-اق ەتنومەدياتسيا جانە مەديا ساۋاتتىلىق بويىنشا سەمينارلار, ء«بىزدىڭ زاماننىڭ كوشباسشىلارى» ترەنينگتەرىن وتكىزەدى.
«قازاق ءتىلى – ەلدىڭ تاريحى, مادەني جانە رۋحاني مۇراسى. ول ۇلت بىرلىگىن قالىپتاستىراتىن قۇرال, مەملەكەتتىك باسقارۋ ءتىلى, ازاماتتىق بىرەگەيلىكتىڭ بەلگىسى», دەدى ياكۋب تاماەۆ.
سەسسيا سوڭىندا ماراپاتتاۋ ءراسىمى ءوتتى. وبلىسقا سىڭىرگەن ەڭبەگى ءۇشىن ارداگەر-ۇستاز حابيبا سارقۇلوۆاعا كۋالىك پەن توسبەلگى تابىستالدى. سونداي-اق, ازەربايجاندار قوعامىنىڭ وبلىستىق فيليال توراعاسى راحيب ءازيزوۆتى 60 جىلدىق مەرەيتويىمەن قۇتتىقتادى.
ء«بىز بۇل جۇمىستى بىرلەسىپ جالعاستىرۋىمىز كەرەك. تەك ديالوگ جانە ءبىر-ءبىرىمىزدىڭ مادەنيەتىمىز بەن ءتىلىمىزدى قۇرمەتتەۋ ارقىلى عانا ەلىمىزدىڭ تۇراقتى بولاشاعىن قامتاماسىز ەتە الامىز», دەدى سەسسيانى قورىتىندىلاعان ايماق باسشىسى.
