فوتو: سۋ رەسۋرستارى جانە يرريگاتسيا مينيسترلىگىنىڭ ءباسپاسوز قىزمەتى
ەسكە سالايىق, سانيتارلىق جانە تابيعاتتى قورعاۋ ماقساتىنداعى سۋ جىبەرۋلەر جىل سايىن جۇرگىزىلەدى.
بۇل – ەسىل وزەنىنىڭ اڭعارىنداعى فلورا مەن فاۋنانىڭ تىرشىلىك ورتاسىن جانە بيولوگيالىق ارالۋاندىقتى ساقتاۋدى كوزدەيدى جانە سۋ اعىزۋلار وزەن ارناسىن تازارتۋعا سەپتەسەدى.
ەسىل باسسەيندىك ينسپەكتسياسىنىڭ باسشىسى عاليدوللا ءازيدۋلليننىڭ ايتۋىنشا بۇگىندە ەسىلدىڭ ورتا اعىسىندا بالىقتاردىڭ تابيعي ۋىلدىرىق شاشاتىن جەرلەرى سۋعا تولىپ تۇر.
«تابيعاتتى قورعاۋ ماقساتىنداعى سۋ جىبەرۋلەر – ەكولوگيانى ساقتاۋعا, وڭىردەگى اۋىل شارۋاشىلىعى مەن مال شارۋاشىلىعىنىڭ دامۋىنا كومەكتەسەدى. ال بۇل ءوز كەزەگىندە جەرگىلىكتى حالىقتىڭ تۇرمىسىن جاقسارتۋعا وڭ اسەر ەتەدى», دەدى ع.ازيدۋللين.
