فوتو: جوعارعى سوت
سوت بارلىق دالەلدەمەلەردى زەردەلەپ, سوتتالۋشىلاردى تاعىلعان ايىپتاردىڭ بارلىق باپتارى بويىنشا كىنالى دەپ تانىپ, ولارعا كەلەسى جازالاردى تاعايىندادى.
ابزال شىناسىلعا, ەكى اسا اۋىر جانە ءبىر اۋىر قىلمىس, قك-ءنىڭ 99-بابى 2-بولىگىنىڭ 5), 9), 14) تارماقتارى (ادام ءولتىرۋ), 24-بابىنىڭ 3-بولىگى – 99-بابى 2-بولىگىنىڭ 1), 7), 9) تارماقتارى (ادام ولتىرۋگە وقتالۋ), 293-بابىنىڭ 3-بولىگى (بۇزاقىلىق) جاساعانى ءۇشىن قىلمىستاردىڭ جيىنتىعى بويىنشا – 23 جىل باس بوستاندىعىنان ايىرۋ.
ساكيەۆ راۆيلگە, ءبىر اسا اۋىر جانە ءبىر اۋىر قىلمىس, قك-ءنىڭ 24-بابىنىڭ 3-بولىگى – 99-بابى 2-بولىگىنىڭ 7), 9) تارماقتارى (ادام ولتىرۋگە وقتالۋ), 293-بابىنىڭ 3-بولىگى (بۇزاقىلىق) جاساعانى ءۇشىن قىلمىستاردىڭ جيىنتىعى بويىنشا تۇپكىلىكتى – 20 جىل باس بوستاندىعىنان ايىرۋ.
توقتاۋباەۆ ازاماتقا, قك-ءنىڭ 293-بابىنىڭ 3-بولىگى (بۇزاقىلىق), 188-بابىنىڭ 1-بولىگى (ۇرلىق) جاساعانى ءۇشىن, بۇرىن جاساعان اۋىر قىلمىسى جانە ول بويىنشا وتەلمەگەن جازاسى ەسكەرىلىپ – 15 جىل باس بوستاندىعىنان ايىرۋ.
يلياسوۆ نۇرقياسقا, قك-ءنىڭ 293-بابىنىڭ 3-بولىگى (بۇزاقىلىق) جاساعانى ءۇشىن, بۇرىنعى سوتتىلىعى جانە ول بويىنشا وتەلمەگەن جازاسى ەسكەرىلىپ – 9 جىل باس بوستاندىعىنان ايىرۋ.
اسكەنتاي دارحانعا, توقتاۋباەۆ نۇربولعا, بەلگوجاەۆ شىڭعىسقا جانە قالياحمەت ديدارعا قك-ءنىڭ 293-بابىنىڭ 3-بولىگى (بۇزاقىلىق) جاساعانى ءۇشىن زاڭمەن كوزدەلگەن بارىنشا قاتاڭ جازا – ارقايسىسىنا 7 جىل باس بوستاندىعىنان ايىرۋ.
كامەلەت جاسقا تولماعان ى.-عا قك-ءنىڭ 434-بابى (قىلمىس تۋرالى حابارلاماۋ) بويىنشا – 1 جىل 6 اي باس بوستاندىعىنان ايىرۋ جازاسى تاعايىندالدى.
سونىمەن قاتار كەلتىرىلگەن مورالدىق شىعىننىڭ ەسەبىنە شىناسىلدان 60 ملن. تەڭگە, ساكيەۆتەن – 30 ملن. تەڭگە, سونداي-اق قالعان سوتتالعانداردان ورتاق تارتىپتە جانە ساكيەۆتەن – 30 ملن. تەڭگە وندىرىلەدى. كامەلەت جاسقا تولماعان ى.-عا جابىرلەنۋشىلەر ازاماتتىق تالاپ قويماعان.
