مەكتەپكە دەيىنگى ينكليۋزيۆتى ءبىلىم مەن تاربيە ورتالىعىنىڭ قۇرىلىسى 2026 جىلى اياقتالادى دەپ جوسپارلانعان. مەملەكەتتىك ساتىپ الۋ كونكۋرسىنىڭ قورىتىندىسىمەن باس مەردىگەر انىقتالدى. جالپى اۋماعى 20 172,73 شارشىمەتردى قۇرايتىن بالاباقشا عيماراتى ەرەكشە ساۋلەت جوباسىنا يە. ەڭ ورتاسىندا گۇل پىشىندەس يرەكتەلگەن عيماراتتى جان-جاعىنان ەكى قاباتتى بەس بلوك قورشاپ تۇر. قوسىمشا كورپۋستار ورتالىقپەن وتكەلدەر ارقىلى بايلانىسسا, جوبالاۋشى مەردىگەر باس عيمارات ىشىنە قىسقى باق تۇرعىزاتىنىن دا ايتادى.
ءار عيمارات دەنساۋلىعىندا كىناراتى بار بالالاردىڭ قاجەتىنە ساي جابدىقتالادى. ماسەلەن, №1 بلوكتا تىرەك-قيمىل قوزعالىسى بۇزىلعان, №2 بلوك كورۋ قابىلەتى ناشار, №3 بلوكتا ەستۋ قابىلەتى ناشار جانە سويلەي المايتىن بالالار, №4-دە وي-ءورىسىنىڭ دامۋى تەجەلگەن بۇلدىرشىندەر ورنالاسادى. ورتالىق عيماراتىندا دارىگەرلىك بلوك, مەرەكەلىك ءىس-شارالار وتكىزەتىن زال, باسسەين, اسحانا بار. ء بىر جاعىنان بالاباقشا, ەكىنشى جاعىنان ەمدىك-ساۋىقتىرۋ مەكەمەسى رەتىندە قۇرىلاتىن ورتالىقتى ەسەت باتىر ىقشاماۋدانىنىڭ تۇرعىندارى كوپ جىلدان بەرى كۇتىپ ءجۇر. سەبەبى, قالانىڭ وسى بولىگىندە بالاباقشا مەن مەكتەپكە باراتىن بالالار سانى وتە كوپ ءارى ورىن تاپشىلىعى قاتتى سەزىلەدى.
اقتوبە وبلىسى
