فوتو: «قازاۆتوجول» ۇلتتىق كومپانياسى
حالىقارالىق ساۋدا, ترانزيتتىك تاسىمالدار مەن جولاۋشىلار اعىنىنىڭ وسۋىنە بايلانىستى 2030 جىلعا دەيىن 37 شەكارالىق نىساندى كەزەڭ-كەزەڭىمەن قايتا جاڭارتۋ جوسپارلانىپ وتىر.
كومپانيا قازاقستان-قىرعىز جانە قازاقستان-رەسەي شەكارالارىندا التى باسىم جوبانى ىسكە اسىرۋعا كىرىسكەن. (بەساعاش, قاراسۋ, سىرىم, الىمبەت, جاڭا جول جانە قوساق وتكىزۋ پۋنكتتەرى).
الداعى ۋاقىتتا اتقارىلاتىن تاعى التى جوبا: تاسقالا, ۇرلىتوبە, قۇرمانعازى, اقساي, قايراق جانە كامىشانوۆكا پىسىقتالىپ جاتىر.
وتكىزۋ پۋنكتەرىن جاڭعىرتۋ اياسىندا كولىكتەردى, ازاماتتار مەن ساۋدا وكىلدەرى ءۇشىن شەكارادان قولايلى ءارى تەز وتۋگە جاعداي جاسالادى.
سونداي-اق,باعدارلاما شەكارا ماڭىندا ورنالاسقان ايماقتاردىڭ دامۋىن ىنتالاندىرىپ, رەسپۋبليكانىڭ حالىقارالىق كولىك دالىزدەرىنە ىقپالداسۋىن كۇشەيتەدى.
