بۇل – كارول ناۆروتسكي, ول وتستاۆكاعا كەتكەن پرەزيدەنت اندجەي دۋدا مۇشە بولعان كونسەرۆاتيۆتى «قۇقىق پەن ادىلەتتىك» پارتياسىنىڭ قولداۋىنا يە. جاڭا پرەزيدەنت سايلاۋشىلاردىڭ 50,89% داۋىسىن جينادى.
«ول داۋىس بەرۋدىڭ ەكىنشى تۋرىندا سايلاندى», دەلىنگەن پولشا سايلاۋ كوميسسياسىنىڭ مالىمدەمەسىندە.
ونىڭ قارسىلاسى بيلىك باسىنداعى «ازاماتتىق كواليتسيانىڭ» كانديداتى رافال تشاسكوۆسكي 49,11% داۋىس جينادى.
پولشاداعى پرەزيدەنت سايلاۋىنىڭ ەكىنشى كەزەڭى 1 ماۋسىمدا رەكوردتىق كورسەتكىشپەن ءوتتى.
پرەزيدەنتتىك سايلاۋدىڭ ءبىرىنشى تۋرى پولشادا 2025 جىلدىڭ 18 مامىرىندا وتكەن. ەلدىڭ باستى لاۋازىمىنا 13 كانديدات تالاستى. قازىرگى مەملەكەت باسشىسى اندجەي دۋدا بۇل سايلاۋعا قاتىسا المادى, سەبەبى ول بۇل قىزمەتتى قاتارىنان ەكىنشى مەرزىم اتقارىپ كەلگەن.
