بۇدان باسقا, 2024 جىلى مەملەكەت باسشىسى ءبىلىم بەرۋ جانە بالالاردىڭ قۇقىقتارىن قورعاۋ ماسەلەلەرى جونىندەگى زاڭعا قول قويدى. نەگىزگى جاڭالىقتاردىڭ ءبىرى 25 مىڭنان استام بالانى قامتۋعا مۇمكىندىك بەرەتىن جەكەمەنشىك مەكتەپتەردىڭ 1-4-سىنىپ وقۋشىلارىنا تەگىن ىستىق تاماق بەرۋ بولدى. بۇل باستامانى ىسكە اسىرۋعا جەرگىلىكتى بيۋدجەتتەن 12 ملرد تەڭگەدەن استام قارجى ءبولىندى.
سونىمەن قاتار, دەنساۋلىق ساقتاۋ مينيسترلىگى وقۋ-اعارتۋ مينيسترلىگىمەن بىرلەسىپ, عىلىمي دەرەكتەر مەن حالىقارالىق ۇسىنىمدار نەگىزىندە جاڭا مەكتەپتە تاماقتاندىرۋ ستاندارتىن ازىرلەدى. ول 2025 جىلدىڭ 1 قىركۇيەگىنەن باستاپ ەلدىڭ بارلىق ءبىلىم بەرۋ ۇيىمدارىندا كۇشىنە ەنەدى.
مەكتەپتەگى تاماقتاندىرۋدىڭ جاڭا ستاندارتى راتسيوندى ساۋىقتىرۋعا باعىتتالعان, اتاپ ايتقاندا بۇل قانتتى, تۇزدى جانە وڭدەلگەن تاعامداردى ازايتۋدى, كوكونىستەردىڭ, جەمىستەردىڭ, ءداندى داقىلداردىڭ, اقۋىزداردىڭ جانە ءسۇت ونىمدەرىنىڭ ۇلەسىن ارتتىرۋدى قامتيدى.
قۇجات دۇرىس تاماقتانۋ بويىنشا حالىقارالىق ۇسىنىمدارعا سايكەس كەلەدى:
- قانت 3,6 ەسە از; - تۇز 5 ەسە از.
ساراپتامالىق باعالاۋلارعا سايكەس, تاماقتانۋ ستاندارتىن قاتاڭ ساقتاۋ:
- بالالارداعى سەمىزدىك دەڭگەيىن 15%-عا دەيىن,
- II ءتيپتى قانت ديابەتى جاعدايلارىن 20%-عا دەيىن,
- ارتەريالىق گيپەرتەنزيانى 18%-عا دەيىن,
- باسقا سوزىلمالى اۋرۋلاردى 15%-عا دەيىن تومەندەتۋگە,
- سونداي-اق بالالاردىڭ زەيىنى مەن ۇلگەرىمىن ارتتىرۋعا مۇمكىندىك بەرەدى.
مەكتەپتە تاماقتاندىرۋعا قاناعاتتانۋ «جەۋگە جارامسىزدىق يندەكسىمەن» (تارەلكە قالدىعى) باعالانادى.
تاماقتاندىرۋدىڭ جاڭا ستاندارتى مەكتەپ جانە مەكتەپكە دەيىنگى ءبىلىم بەرۋ نىساندارىندا قولدانىلادى.
مەكتەپتە تاماقتاندىرۋ رەفورماسى بالالاردىڭ فيزيكالىق جاعدايىن جاقسارتۋعا عانا ەمەس ىقپال ەتىپ قويماي, سونىمەن بىرگە ۇزاق مەرزىمدى الەۋمەتتىك-ەكونوميكالىق اسەرگە يە بولادى:
راتسيوندى جاڭارتۋمەن قاتار, تاماقتانۋ قاۋىپسىزدىگى مەن مەكتەپ اسحانالارىنىڭ سانيتارلىق جاعدايىنا باقىلاۋ كۇشەيتىلەدى.
مەملەكەتتىك باقىلاۋعا جاڭا تاسىلدەر ەنگىزىلۋدە: تەكسەرۋلەر تۋرالى الدىن الا حابارلاۋدان باس تارتۋ, تۇراقتى مونيتورينگتىك ساپارلار جۇيەسىن ەنگىزۋ.
بۇل شارالار تاماقتانۋ جاعدايلارىن وبەكتيۆتى باعالاۋعا جانە بۇزۋشىلىقتاردى ۋاقتىلى جويۋعا باعىتتالعان.
