ءار مەكتەپكە پوليتسيا قىزمەتكەرلەرى بەكىتىلىپ, ءار وڭىردە بالالارعا قاتىستى زورلىق-زومبىلىق فاكتىلەرىنە بىرلەسىپ دەن قويۋ بويىنشا ۆەدومستۆوارالىق ءموبيلدى توپتار قۇرىلدى.
2025 جىلى مەكتەپتەر مەن كوللەدجدەردە ءار ءتۇرلى اكىمشىلىك جانە قىلمىستىق قۇقىق بۇزۋشىلىقتار ءۇشىن جاۋاپتىلىق تۋرالى 50 مىڭنان استام دارىستەر مەن اڭگىمەلەر وتكىزىلدى. رەسپۋبليكا بويىنشا ء«جاسوسپىرىم» جەدەل-الدىن الۋ ءىس-شاراسى وتكىزىلدى, ونىڭ شەڭبەرىندە 26 مىڭ اكىمشىلىك قۇقىق بۇزۋشىلىق انىقتالدى. بالالاردىڭ ءومىرى مەن دەنساۋلىعىنا قاۋىپ توندىرەتىن 4 مىڭنان استام ينتەرنەت-رەسۋرستار بۇعاتتالدى.
زاڭنامانى جەتىلدىرۋگە ەرەكشە كوڭىل بولىنەدى. وسىلايشا, وتباسىلىق-تۇرمىستىق زورلىق-زومبىلىققا قارسى ءىس-قيمىل بويىنشا قابىلدانعان زاڭ شەڭبەرىندە كامەلەتكە تولماعانداردى زورلاعانى ءۇشىن تەك قانا ءومىر بويىنا باس بوستاندىعىنان ايىرۋ قاراستىرىلدى, ال بۋللينگ ءۇشىن جەكە اكىمشىلىك باپ ەنگىزىلدى. سونداي-اق, بالالارعا قاتىستى زورلىق-زومبىلىق تۋرالى ىستەر بويىنشا تاتۋلاسۋ مۇمكىندىگى الىنىپ تاستالدى, ۇرىپ-سوعۋ, ازاپتاۋ جانە دەنساۋلىققا زيان كەلتىرگەنى ءۇشىن جازالار كۇشەيتىلدى, 16 جاسقا تولماعان ادامدارعا جىنىستىق سيپاتتاعى زورلىق-زومبىلىق جاساعانى جانە ءوز-وزىنە قول جۇمساۋدى ناسيحاتتاعانى ءۇشىن قىلمىستىق جاۋاپتىلىق ەنگىزىلدى.
مەملەكەت تۇبەگەيلى ۇستانىمدى كورسەتەدى: بالانىڭ قاۋىپسىزدىگى – ىمىرالاسۋعا كەلمەيتىن ءسوزسىز باسىمدىق.
مەملەكەت باسشىسىنىڭ ۇلتتىق قۇرىلتايدىڭ IV وتىرىسىندا ايتىلعان تاپسىرماسى بويىنشا بالا قۇقىقتارىن قورعاۋ جونىندەگى بارلىق شارالاردى بىرىكتىرەتىن 2026-2030 جىلدارعا ارنالعان «قازاقستان بالالارى» بىرىڭعاي باعدارلاماسى ازىرلەنۋدە. جۇمىستى وقۋ-اعارتۋ مينيسترلىگى بەيىندى ۆەدومستۆولارمەن, پارلامەنتپەن جانە بالا قۇقىقتارى جونىندەگى ۋاكىلمەن بىرلەسىپ جۇرگىزەدى.
وسى باعدارلاما بويىنشا ۇسىنىستار ازىرلەۋگە «AMANAT» پارتياسى جانىنداعى وتباسى جانە حالىقتى الەۋمەتتىك قورعاۋ ماسەلەلەرى جونىندەگى رەسپۋبليكالىق كەڭەستىڭ مۇشەلەرى, ساراپشىلار, ۇەۇ, مۇددەلى مەملەكەتتىك ورگانداردىڭ وكىلدەرى قاتىساتىنىن اتاپ وتكەن ءجون.
«قازاقستان بالالارى» بىرىڭعاي باعدارلاماسى – بۇل تەڭ مۇمكىندىكتەرگە, ءاربىر بالانى ەرتە قولداۋعا جانە قورعاۋعا باعىتتالعان بالالاردىڭ مۇددەسى ءۇشىن تۇراقتى مەملەكەتتىك ساياساتتىڭ نەگىزى.
بالالار اراسىندا قاۋىپسىزدىك مادەنيەتىن قالىپتاستىرۋ – تجم جۇيەلى تۇردە جۇزەگە اسىراتىن ماڭىزدى مىندەت. ء«بىرتۇتاس تاربيە» جوباسى اياسىندا 870 مىڭنان استام وقۋشى قامتىلدى, ەۆاكۋاتسيالاۋ بويىنشا تۇراقتى جاتتىعۋلار, كادەت سىنىپتارىمەن ساباقتار جانە بۇكىل ەل بويىنشا 2500-دەن استام «جاس قۇتقارۋشى» ۇيىرمەلەرىنىڭ جۇمىسى جۇرگىزىلۋدە.
جازعى كەزەڭدە سۋ قاۋىپسىزدىگىنە ەرەكشە نازار اۋدارىلادى: تەك 2025 جىلى عانا قۇتقارۋ بولىمشەلەرىنىڭ قىزمەتكەرلەرى 5 مىڭنان استام بالانى جۇزۋگە ۇيرەتتى, سونداي-اق سۋدا قۇتقارۋ جانە سۋعا باتقاندارعا العاشقى كومەك كورسەتۋ داعدىلارى بويىنشا 43 مىڭنان استام وقۋشىنى قامتي وتىرىپ, 651 پراكتيكالىق ساباق وتكىزدى.
سونىمەن قاتار, بالالار لاگەرلەرىنىڭ مۇعالىمدەرى مەن قىزمەتكەرلەرىن توتەنشە جاعدايلار كەزىندەگى ءىس-قيمىلدارعا دايارلاۋ باعدارلامالارى ىسكە اسىرىلۋدا.
مۇنداي ءتاسىل تاۋەكەلدەرگە دايىندىق دەڭگەيىن ارتتىرىپ قانا قويماي, سونىمەن قاتار بالالاردا جاۋاپكەرشىلىك پەن ءوزارا كومەك سەزىمىنە تاربيەلەيدى.
