قازاقستان رەسپۋبليكاسىنىڭ ساۋدا جانە ينتەگراتسيا ءمينيسترى ارمان شاققاليەۆ «ورتالىق ازيا – قىتاي» فورماتىنداعى ەكونوميكا جانە ساۋدا مينيسترلەرىنىڭ 2-ءشى كەزدەسۋىنىڭ وتىرىسىن اشتى. ورتالىق ازيانىڭ وزگە ەلدەرىنىڭ دەلەگاتسيالارىن قىرعىز رەسپۋبليكاسىنىڭ ەكونوميكا جانە كوممەرتسيا ءمينيسترى باقىت سىدىكوۆ, تاجىكستان رەسپۋبليكاسىنىڭ ەكونوميكالىق دامۋ جانە ساۋدا ءبىرىنشى ۆيتسە-ءمينيسترى اشۋربوي سولەحزودا, تۇرىكمەنستاننىڭ ساۋدا جانە سىرتقى ەكونوميكالىق بايلانىستار ءمينيسترىنىڭ مىندەتىن اتقارۋشى كەريمبەردي كۋربانوۆ, وزبەكستان رەسپۋبليكاسىنىڭ ينۆەستيتسيالار, ونەركاسىپ جانە ساۋدا ۆيتسە-ءمينيسترى حۋررام تەشاباەۆ باسقاردى. قىتاي حالىق رەسپۋبليكاسىنىڭ دەلەگاتسياسىن ساۋدا ۆيتسە-ءمينيسترى, حالىقارالىق ساۋدا كەلىسسوزدەرىندەگى قىتاي وكىلىنىڭ ورىنباسارى لين تسزي باسقاردى.
بۇل كەزدەسۋ «ورتالىق ازيا – قىتاي» فورماتىنىڭ سالالىق بۋىنى بولىپ تابىلادى جانە بيىلعى جىلدىڭ ماۋسىم ايىندا استانادا وتەتىن «ورتالىق ازيا – قىتاي» ەكىنشى سامميتىنە دايىندىق رەتىندە ۇيىمداستىرىلىپ وتىر. كەزدەسۋ التى ەلدىڭ ساۋدا-ەكونوميكالىق ىنتىماقتاستىعىن كەڭەيتۋ جانە ەكونوميكالىق دامۋىنا جاردەمدەسۋماقساتىندا تۇراقتى نەگىزدە وتكىزىلەدى.
«ورتالىق ازيا – قىتاي» فورماتىنداعى ەكونوميكا جانە ساۋدا مينيسترلەرىنىڭ كەزدەسۋىندە تاراپتار ءوز ۇكىمەتتەرىنىڭ ساۋدا-ەكونوميكالىق ىنتىماقتاستىقتى تەرەڭدەتۋ, ينۆەستيتسيالىق ىنتىماقتاستىقتى دامىتۋ, ورتالىق ازيا ەلدەرى مەن قىتاي حالىق رەسپۋبليكاسى اراسىنداعى «جاسىل» مينەرالدار بويىنشا ءوزارا ءىس-قيمىلدى دامىتۋ جونىندەگى باسىمدىقتارى تۋرالى پىكىر الماستى. سونداي-اق كوپجاقتى ساۋدا جۇيەسىن قولداۋ ماسەلەسى بويىنشا ءوز ۇستانىمدارىن ءبىلدىردى.
تاراپتار سونداي-اق الداعى «ورتالىق ازيا – قىتاي» ءسامميتى اياسىندا قول قويۋ جوسپارلانعان كەلەسى قۇجاتتاردى ماقۇلدادى:
- «ورتالىق ازيا – قىتاي» فورماتىندا ەركىن ساۋدانى دامىتۋ سالاسىنداعى ىنتىماقتاستىقتى تەرەڭدەتۋ تۋرالى ءوزارا تۇسىنىستىكجونىندەگى مەموراندۋم;
- «ورتالىق ازيا – قىتاي» فورماتىنداعى ەكونوميكا جانە ساۋدامينيسترلىكتەرى اراسىنداعى ساۋدا-ەكونوميكالىق ىنتىماقتاستىقتىنىعايتۋ جونىندەگى ءىس-قيمىل جوسپارى;
- «جاسىل» مينەرالدار سالاسىنداعى ينۆەستيتسيالىقىنتىماقتاستىقتى نىعايتۋ جونىندەگى «ورتالىق ازيا – قىتاي» فورماتىنداعى مەموراندۋم.
سونىمەن قاتار, «ورتالىق ازيا – قىتاي» فورماتىنداعى ەكونوميكا جانە ساۋدا مينيسترلەرىنىڭ ەكىنشى كەزدەسۋىنىڭ قورىتىندى قۇجاتى قابىلداندى.
كەزدەسۋ قورىتىندىسى بويىنشا تاراپتار بۇل كەزدەسۋدىڭ ناتيجەلى وتكەنىن اتاپ ءوتىپ, كەزدەسۋدە قول جەتكىزىلگەن ۋاعدالاستىقتاردى جەدەل ىسكەاسىرۋعا شاقىردى.
2024 جىلى قازاقستان مەن ورتالىق ازيا ەلدەرى اراسىنداعى تاۋار اينالىمى 7,6 ملرد اقش دوللارىن قۇرادى.
2024 جىلى قازاقستان مەن قىتاي اراسىنداعى تاۋار اينالىمى 30,1 ملرد اقش دوللارىن قۇرادى.
