فوتو: ۆيدەودان الىنعان كادر
وقيعا ءبورلى اۋداندىق پوليتسياسىنىڭ Instagram پاراقشاسىندا جاريالانعان. بەينەجازبادان ەر ادامنىڭ جانىنداعى ادامدارعا قاراي جۇگىرىپ, شابۋىلداعانىن انىق كورۋگە بولادى.
پوليتسيانىڭ مالىمەتىنشە, ەر ادام جەدەل تۇردە ۇستالعان. كەيىن بەلگىلى بولعانداي, ول پسيحونەۆرولوگيالىق ديسپانسەردە تىركەۋدە تۇرعان. ونىڭ ارەكەتى ءوزىنىڭ دە, وزگەلەردىڭ دە ومىرىنە قاۋىپتى دەپ باعالانعان.
ۇستالعاننان كەيىن ازامات ۋاقىتشا بەيىمدەلۋ جانە دەتوكسيكاتسيا ورتالىعىنا جەتكىزىلگەن. ول وبلىستىق پسيحيكالىق دەنساۋلىق ورتالىعىنا ءماجبۇرلى تۇردە ەمدەۋگە جىبەرىلۋى مۇمكىن.
