فوتو: polisia.kz
ونىڭ ىشىندە 2,5 مىڭنان استام شەتەلدىك قازاقستان رەسپۋبليكاسىنىڭ اۋماعىندا بولۋ مەرزىمىن بۇزسا, 862 شەتەلدىك ءتيىستى رۇقساتسىز جۇمىس ىستەگەن. ال 499 قازاقستاندىق جۇمىس بەرۋشى زاڭسىز شەتەلدىك جۇمىس كۇشىن تارتقان. 3 مىڭنان استام قابىلداۋشى تۇلعا ىشكى ىستەر ورگاندارىنا شەتەلدىك ازاماتتاردىڭ وزدەرىندە تۇراتىنى تۋرالى حابارلاماعان.
ءىس-شارا ناتيجەسىندە 678 شەتەلدىك ازامات ەلدەن شىعارىلىپ, قۇقىق بۇزۋشىلاردىڭ بارلىعى جاۋاپقا تارتىلعان.
ىىم العاش رەت مىسىر ازاماتتارىنىڭ ەلىمىزدە زاڭسىز ەڭبەك قىزمەتى فاكتىسى تىركەلگەنىن دە مالىمدەدى. 14 مىسىرلىق قاراعاندىدا ءىرى قۇرىلىس الاڭىندا رۇقساتسىز جۇمىس ىستەگەن.
الماتى وبلىسىنىڭ جامبىل اۋدانىندا كوشى-قون قىزمەتىنىڭ قىزمەتكەرلەرى زاڭسىز الكوگول وندىرۋمەن اينالىسقان 12 قحر ازاماتىن انىقتاعان. ولاردىڭ دا ءتيىستى رۇقسات قۇجاتتارى بولماي شىققان.
وسى جاعدايلار بويىنشا قىلمىستىق كودەكستىڭ 395-بابىمەن قىلمىستىق ءىس قوزعالىپ, سوتقا دەيىنگى تەرگەۋ جۇرگىزىلىپ جاتىر.
الماتى وبلىسىندا پوليتسيا قىزمەتكەرلەرى حقكو-نىڭ ءۇش قىزمەتكەرى ۇيىمداستىرعان زاڭسىز كوشى-قون ارناسىن انىقتادى. ولار جەكە باسىنىڭ پايداسى ءۇشىن زاڭدى بۇزا وتىرىپ, ەڭبەك ميگرانتتارىن زاڭداستىرۋ ءۇشىن جالعان قۇجاتتار جاساعان. بۇل ءىس بويىنشا قر قك 394-بابى بويىنشا قىلمىستىق ءىس قوزعالعان.
