قاناتقاقتى باستامانىڭ ارتىقشىلىعى

قاناتقاقتى جوبانى ىسكە اسىرۋ قول­دانىستاعى شارا­لاردى جۇيە­لەپ, ءتيىم­سىز تولەمدەردى ازايتادى, مۇق­تاج ازا­ماتتاردىڭ مەملە­كەتتىك قول­­داۋ­دىڭ يگىلىگىن كورۋىنە جول اشادى, ولاردى قام­تاماسىز ەتۋ جو­نىندەگى بيزنەس-ۇدە­رىستىڭ اشىق­تىعىن ارتتىرادى. پرەمەر-ءمينيستردىڭ تاپسىرماسى بو­يىنشا ەڭبەك جانە حالىقتى الەۋمەتتىك قورعاۋ, وقۋ-اعارتۋ, دەنساۋلىق ساقتاۋ, ىشكى ىستەر, ما­دەنيەت جانە اقپا­رات, تۋريزم جانە سپورت, تسيفرلىق دامۋ, ين­نوۆا­تسيالار جانە اەروعارىش ونەر­كاسىبى مينيسترلىكتەرىمەن بىرلەسىپ شىم­كەنت قالاسىندا مەملەكەتتىك قول­داۋ شارالارىن تسيفرلاندىرۋ بويىنشا ىلكىمدى جوبانى ىسكە قوسۋ باعىتىندا جۇمىس توبى قۇرىلدى.

جۇمىس توبى 11 مەملە­كەتتىك قىزمەت ءتۇرىن ناقتىلادى:

1) «جوعارى جانە (نەمەسە) جوعا­رى وقۋ ورنىنان كەيىنگى ءبىلىم بەرۋ ۇيىمدارىندا ستۋ­دەنتتەردى جاتاق­حانامەن قام­تاماسىز ەتۋ»;

2) «ازاماتتاردىڭ جەكەلەگەن ساناتتارىن, سونداي-اق قورعان­­شى­لىقتاعى (قامقورشىلىقتاعى) جانە پاترونات­تاعى, جوعارى وقۋ ورىندارىنىڭ ستۋدەنتتەرى مەن ءبىلىم الۋشىلارىن تەگىن تاماقپەن قامتاماسىز ەتۋ»;

3) «مۇمكىندىگى شەكتەۋلى بالالاردى ۇيدە وقىتۋعا جۇمسالعان شىعىنداردى وتەۋ»;

4) «جالپى ءبىلىم بەرەتىن مەكتەپ­تەردەگى ءبىلىم الۋشىلار مەن تاربيە­لەنۋشىلەردىڭ جەكەلەگەن ساناتتارىن تەگىن جانە جەڭىلدەتىلگەن تاماقتان­دىرۋمەن قامتاماسىز ەتۋ»;

5) «مەملەكەتتىك ءبىلىم بەرۋ ۇيىم­دارى ستۋدەنتتەرى مەن تاربيەلە­نۋ­شىلەرىنىڭ جەكەلەگەن ساناتتارىنا ساياجاي جانە مەكتەپ جانىنداعى لاگەرلەردە دەمالۋدى قامتاماسىز ەتۋگە قۇجاتتاردى قابىلداۋ جانە جولدامالار بەرۋ»;

ء6)«بىلىم بەرۋ ۇيىم­دارىنىڭ ستۋ­دەن­ت­تەرى مەن تاربيە­لە­نۋ­شىلەرىنە قارجىلىق جانە ماتە­ريال­دىق كومەك كورسەتۋ»;

7) «تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىم­دارىندا ءبىلىم الۋشىلاردى جاتاق­حانامەن قامتاماسىز ەتۋ»;

8) «ازاماتتاردىڭ جەكەلەگەن ساناتتارىن, سونداي-اق قور­عان­شى­لىقتاعى (قامقور­­شى­لىق­تاعى) جانە پاترونات­تاعى ادامداردى, تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارىنىڭ ءبىلىم الۋشىلارى مەن تاربيەلەنۋشىلەرىن تەگىن تاماقپەن قامتاماسىز ەتۋ»;

9) «جەكە تۇرعىن ءۇي قورىنان جالعا الىنعان تۇرعىن ءۇيدى جالداۋ اقىسىنىڭ ءبىر بولىگىن سۋبسيديالاۋدى تاعايىنداۋ جانە جۇزەگە اسىرۋ»;

10) «تۇرعىن ءۇي كومەگىن كور­سەتۋ»;

11) «سپورتشىلار مەن جات­تىق­تى­­رۋ­­­شىلارعا ءومىر بويى اي سايىن­­عى ماتە­ريال­دىق كومەك تو­لەۋ».

يگى باستامانى ىسكە اسىرۋ بيزنەس-ۇدەرىستەردى اۆتومات­تان­دى­رۋعا, قايتا­لا­ناتىن فۋنكتسيا­لاردى انىقتاپ, جويۋعا, كومەك كورسەتۋ مونيتورينگىن جاقسارتۋعا مۇمكىندىك بەرەدى.

جوبانىڭ تاعى ءبىر ارتىق­شى­­­لى­عى – وتباسىلاردى 6 ساناتقا – توتەنشە قا­جەتتىلىكتەن (ازىق-ت ۇلىك­كە قاراجاتتىڭ جەتىس­پەۋ­شىلىگى) جوعا­رى ءال-اۋقاتقا (قارجىلىق قيىن­دىقتاردىڭ بول­ماۋى) دەيىن بولەتىن ءۇي شارۋا­شى­لىقتارىنىڭ الەۋمەت­تىك-ەكو­نوميكالىق وسالدىعى مەن تۇراق­تى­لىعىن باعالاۋدىڭ بالدىق ۇلگى­سى قولدانىلادى. نەگىزگى ماقسات – رەسۋرس­تاردى شىنىمەن مۇقتاج ازاماتتاردىڭ پايداسىنا قاراي نەگىز­دەۋ, ونىڭ ىشىندە 6-ساناتقا ء(ال-اۋقاتىنىڭ دەڭگەيى جو­عا­رى بولعان جاعدايدا) جاتاتىن ازامات­تارعا كومەك كورسەتۋدەن باس تارتىلادى.

بالدىق مودەل 23 الەۋمەت­تىك-دەموگ­رافيالىق ءھام ەكونو­مي­كالىق كريتەريلەر نەگىزىندە قالىپتاسا­دى. بۇل رەتتە ەكى نەمەسە ودان دا كوپ تۇرعىن ءۇي بىرلىگىنىڭ, ءبىر نەمەسە بىر­نەشە كو­لىك قۇرالىنىڭ, تىركەل­گەن زاڭدى تۇل­عا­لاردىڭ (جەكە كاسىپكەر­لەر, جاۋاپ­كەرشىلىگى شەكتەۋلى سەرىكتەس­تىكتەر) بولۋى, سونداي-اق وتبا­سىنىڭ ءاربىر مۇشەسىنە ورتاشا جان باسىنا شاققانداعى تابىسى ەڭ تومەنگى كۇنكورىس دەڭگەيىنىڭ 4-تەن اسۋى سياقتى فاكتورلاردىڭ جيىنتىعى بار وتباسىلار ءال-اۋقات دەڭگەيى جوعارى ءۇي شارۋاشىلىقتارى سانالادى.

مەملەكەتتىك قولداۋ شارالارىن تاعايىنداۋ ازاماتتاردى سول نەمەسە باسقا ساناتقا جاتقىزۋ ناتيجەلەرى بويىنشا اۆتوماتتى تۇردە جۇزەگە اسىرىلادى.

وسى تاسىلدەردى ءىس جۇزىندە جۇزەگە اسىرۋ ءۇشىن «قازاقستان رەسپۋب­لي­كاسىنىڭ ەڭبەك جانە حالىقتى الەۋ­مەتتىك قورعاۋ مينيسترلىگىنىڭ تسيفر­لىق پلاتفورماسىندا ءبىلىم بەرۋ, حالىقتى الەۋمەتتىك قورعاۋ, تۇرعىن ءۇي قاتىناستارى, دەنە شىنىقتىرۋ سالالارىندا كەيبىر مەملەكەتتىك قىزمەتتەر كورسەتۋ جونىندەگى قاناتقاقتى جوبانى ىسكە اسىرۋ تۋرا­لى» بىرلەسكەن بۇيرىق ازىرلەندى.  ءارى بارلىق مۇد­دەلى مەملەكەت­تىك ورگاندارمەن كەلىسىل­دى. قۇجات نور­ماتيۆتىك قۇقىقتىق اكتى­لەرىنىڭ ەتالوندىق باقىلاۋ بان­كىندە رەسمي جاريالانعاننان كەيىن قولدانىسقا ەنگىزىلمەك.