فوتو: اشىق دەرەككوز
ونىڭ ايتۋىنشا, قازىرگى تاڭدا ەلىمىزدە تالگو تيپىندەگى 732 ۆاگون 14 باعىتتا جولاۋشى تاسىمالىن قامتاماسىز ەتىپ وتىر. الايدا 2023 جىلدان باستاپ بۇل ۆاگونداردى قازاقستاندا شىعارۋ توقتاتىلعان.
«تالگو ۆاگوندارىن شىعاراتىن زاۋىت ساتىلىپ كەتتى. قازىر ونىڭ ورنىندا شۆەيتساريالىق Stadler كومپانياسىنىڭ ۆاگوندارى ءوندىرىلىپ جاتىر. سوندىقتان جاڭاسىن ساتىپ الۋ جوسپاردا جوق. قولدانىستاعى ۆاگوندار پايدالانۋ مەرزىمى اياقتالعان سوڭ شىعارىلىمنان الىنادى», دەدى تايجانوۆ.
كوميتەت باسشىسى بۇدان بىلاي باسىمدىق وتاندىق وندىرۋشىلەرگە بەرىلەتىنىن ايتتى. قازىرگى ۋاقىتتا قازاقستاندا ەكى زاۋىت جۇمىس ىستەيدى: زيكستو (زيگ-100) جانە Stadler Kazakhstan. بۇل كاسىپورىندار ىشكى نارىقتى جاڭا تەمىرجول قۇرامدارىمەن قامتاماسىز ەتە باستادى.
جانەل تولەۋبەكوۆا, ەۇۋ ستۋدەنتى
