ەلىمىزدىڭ جەتەكشى مەكتەپتەرىنىڭ رەيتينگىن قر ءبىلىم جانە عىلىم مينيسترلىگىنىڭ ءبىلىم بەرۋ سالاسىنداعى ساپانى قامتاماسىز ەتۋ كوميتەتى جاريالادى.
وقۋ ورىندارى مەملەكەتتىك اتتەستاتتاۋ قورىتىندىلارى, ءبىلىم الۋشىلاردىڭ ءبىلىم جەتىستىكتەرى مونيتورينگىنىڭ دەرەكتەرى, وقۋشىلاردىڭ جەتىستىكتەرى, پەداگوگتاردىڭ بىلىكتىلىگى, ينكليۋزيۆتى ءبىلىم بەرۋ ءۇشىن جاعدايلار, تاربيە جۇمىسىنىڭ تيىمدىلىگى, مەكتەپتەگى ميكروكليمات, عىلىمي, ەكولوگيالىق جانە الەۋمەتتىك جوبالارعا قاتىسۋ سياقتى ولشەمدەر بويىنشا باعالاندى.
بۇل باعىتتار بويىنشا قاراعاندى وبلىسىندا ءال-فارابي اتىنداعى بالقاش جالپى ءبىلىم بەرەتىن مەكتەبىنىڭ, № 1 قاراعاندىلىق گيمنازيا مەن № 2 ليتسەيدىڭ, ءا. بوكەيحان اتىنداعى شاحتينسك ليتسەي-مەكتەبىنىڭ جانە س. سەيفۋللين اتىنداعى مەكتەپ-گيمنازيانىڭ ۇزدىك كورسەتكىشتەرى بايقالادى.
