فوتو: اقوردا
تسيۋي دۋنيۋي FAO بيىل ءوزىنىڭ 80 جىلدىعىن اتاپ وتەتىندىگىن ەسكە سالدى. وسىعان وراي ۇيىم باسشىسى الەم ەلدەرىن ناقتى ءارى ءتيىمدى ىنتىماقتاستىققا شاقىردى.
سونىمەن قاتار ول ءوز سوزىندە ورتالىق ازيانى — گەوگرافيالىق, ەكونوميكالىق جانە كليماتتىق توعىسقان ايماق رەتىندە سيپاتتاپ, وڭىردە مۇمكىندىكتەردىڭ كوپ ەكەنىن اتاپ ءوتتى.
«قازاقستان — ورتالىق ازياداعى ەڭ ۇلكەن مەملەكەت. پرەزيدەنتتىڭ ەلىمىزدى وڭىرلىك جانە جاھاندىق ازىق-ت ۇلىك حابىنا اينالدىرۋ تۋرالى كوزقاراسى ەلدىڭ ايماقتىق دەڭگەيدەگى كۇشتى ىقپالىن كورسەتەدى», دەدى تسيۋي دۋنيۋي.
FAO باسشىسى اۋىلدىق جەرلەردەگى جاستاردىڭ رولىنە دە ەرەكشە توقتالدى. ۇيىم جاستار جونىندەگى ارنايى كوميتەت پەن باسقارما قۇرىپ, بۇل باعىتتى ستراتەگيالىق دەڭگەيگە شىعارعانىن ايتتى.
«اۋىلدىق جەرلەردە ميلليونداعان جاس ءومىر ءسۇرىپ جاتىر. ولاردىڭ ەنەرگياسى, كرەاتيۆتىلىگى مەن تاباندىلىعى تۇراقتى بولاشاقتى قالىپتاستىرۋدا شەشۋشى ءرول اتقارادى», دەدى تسيۋي دۋنيۋي.
تسيۋي دۋنيۋي قازاقستاندى ايماقتىق كوشباسشى, يننوۆاتسيانى ىلگەرىلەتۋشى ەل رەتىندە تانىپ, ەلدىڭ ورتالىق ازياداعى جانە جاھاندىق تۇراقتى دامۋ جولىنداعى رولىنە جوعارى باعا بەردى.
«قازاقستان — بۇكىل ءوڭىر مەن الەم ءۇشىن قاۋىپسىز ءارى ورنىقتى بولاشاقتى قالىپتاستىرۋعا ىقپال ەتىپ وتىرعان ماڭىزدى سەرىكتەس», دەپ قورىتىندىلادى بۇۇ-نىڭ ازىق-ت ۇلىك جانە اۋىل شارۋاشىلىعى ۇيىمىنىڭ باس ديرەكتورى تسيۋي دۋنيۋي.
