فوتو: mail.kz
ايتا كەتەيىك, جوبانىڭ باستى ماقساتى – قازاقستاندىق اۋىل شارۋاشىلىعى وندىرۋشىلەرىنە ەۋروپا مەن وزگە دە وڭىرلەر نارىعىنا شىعۋعا جول اشاتىن سەنىمدى لوگيستيكالىق ءارى كاپيتال تارتۋ پلاتفورماسىن قۇرۋ. ەكسپورتقا ۇسىنىلاتىن ونىمدەردىڭ قاتارىندا – استىق, ەت, وسىمدىك مايلارى, بۇرشاق تۇقىمداستار, ءسۇت ونىمدەرى, قۇرعاق جەمىس, كوكونىس پەن جەمىس پيۋرەسى بار. ساۋدا باعىتىنا ەۋرووداق, رەسەي, تمد ەلدەرى, قىتاي, وڭتۇستىك-شىعىس ازيا, پارسى شىعاناعى مەن اقش كىرەدى.
تالقىلاۋ بارىسىندا تۇركىستان وبلىسىندا «AGRIQA ازيا» جشس جۇزەگە اسىراتىن «شاردارا ەكسپورتقا باعىتتالعان اگروونەركاسىپتىك كلاستەرى» جوباسى ەرەكشە نازارعا ىلىكتى. 2024–2028 جىلدار ارالىعىندا بۇل باستاماعا €200 ملن ينۆەستيتسيا تارتۋ جوسپارلانعان. جوبا اياسىندا 22 گەكتار جىلىجاي كەشەنى, جەمىس-جيدەك وڭدەۋ زاۋىتى, جوڭىشقانى تۇيىرشىكتەۋ ءوندىرىسى مەن قىزاناق زاۋىتى سالىنادى. سونداي-اق, 8000 گەكتار سۋارمالى جەر يگەرىلىپ, اگرارلىق قۇرىلىم كەڭەيتىلەدى.
«ەل ۇكىمەتى ينۆەستيتسيالىق جوبالاردى تابىستى ىسكە اسىرۋعا ىقپال ەتەتىن وڭتايلى جاعداي جاساۋعا بار كۇشىن سالۋدا. ءبىز اگروونەركاسىپتىك كەشەندى دامىتۋعا ارنالعان قازاقستان-يتاليا ينۆەستيتسيالىق قورىن قۇرۋ باستاماسىن قولداۋعا تولىق دايىنبىز. بۇل جوبا ەكسپورتتىق الەۋەتتى ارتتىرۋ مەن ەكونوميكالىق بايلانىستى نىعايتۋدا ايتارلىقتاي ىنتالاندىرۋ بولماق. ءبىزدىڭ ىنتىماقتاستىعىمىز ءوزارا تيىمدىلىك پەن ستراتەگيالىق سەنىمگە نەگىزدەلگەن جەمىستى حالىقارالىق ارىپتەستىكتىڭ جارقىن ۇلگىسى بولاتىنىنا سەنىمدىمىن», دەدى سەرىك جۇمانعارين.
سەرىك جۇمانعارين قر ساۋدا جانە ينتەگراتسيا مينيسترلىگىنە بىرلەسكەن جوبالاردى پىسىقتاۋ جانە ىسكە اسىرۋ ماقساتىندا قازاقستاندىق جانە يتالياندىق كاسىپكەرلەردى بىرىكتىرەتىن ساۋدا-ەكونوميكالىق ميسسيانى جەدەلدەتىپ ۇيىمداستىرۋ جونىندە تاپسىرما بەردى.
داميرا تولەگەن
ەۇۋ ستۋدەنتى
