فوتو: pavlodarnews.kz
وقۋ-اعارتۋ مينيسترلىگىنىڭ مالىمەتىنشە, دانيل - الەم بويىنشا تەحنيكالىق قۇزىرەتتىلىكتى راستاۋدىڭ قاتاڭ تالاپتارىنان سۇرىنبەي وتكەن ساناۋلى ستۋدەنتتەردىڭ ءبىرى.
قازىر دانيل بارت پاۆلودار اقپاراتتىق تەحنولوگيالار كوللەدجىنىڭ 3-كۋرسىندا وقيدى. باعدارلامالاۋعا قىزىعۋشىلىعى مەكتەپتە پايدا بولىپ, كوللەدجدە ءتۇرلى بايقاۋلار مەن حاكاتوندارعا بەلسەندى قاتىسىپ ءجۇر.
ال ونىڭ Google كومپانياسىمەن سەرىكتەستىگى 2023 جىلى كوللەدجدىڭ 1-كۋرسىندا باستالعان. ول قازاقستاندا Google ۇيىمداستىرعان تەحنيكالىق ءىس-شارالار مەن بايقاۋلاردى وتكىزەتىن كوماندا قۇرامىنا دا كىرگەن.
«كونفەرەنتسيا جانە ودان كەيىنگى تاعىلىمداما جاساندى ينتەللەكت, Android, بۇلتتى پلاتفورمالار مەن ۆەب-تەحنولوگيالار سالاسىنداعى وزىق بىلىمگە جول اشادى. مەن وسىنداي دەڭگەيدەگى شاراعا ەلىمنىڭ اتىنان قاتىساتىنىما قۋانىشتىمىن», دەيدى دانيل بارت.
ايتا كەتەيىك, پاۆلودارلىق ستۋدەنت 2023 جىلى WorldSkills Kazakhstan بايقاۋىندا «التىن» جۇلدە جەڭىپ العان. 2024 جىلى يراندا وتكەن حالىقارالىق تۋرنيردە ۇزدىك وندىققا ەنگەن. سونداي-اق ول «تاۋەلسىزدىك ۇلانى» سىيلىعىنىڭ لاۋرەاتى جانە Google قاۋىمداستىعى اياسىندا بىرقاتار جوبالاردىڭ اۆتورى.
