فوتو: اشىق دەرەككوز
جاريالانعان جوسپارعا سايكەس, جاڭا جۇيە دارىلىك زاتتار مەن مەديتسينالىق ماقساتتاعى بۇيىمداردى نارىققا شىعارۋ مەرزىمىن 100 جۇمىس كۇنىنە دەيىن قىسقارتادى. بۇل تەك ساراپتاما ءۇشىن زاڭنامادا قاراستىرىلعان اعىمداعى 210 كۇنتىزبەلىك كۇنمەن سالىستىرعاندا ايتارلىقتاي ىلگەرىلەۋ. بىراق «اتامەكەن» ۇلتتىق كاسىپكەرلەر پالاتاسىندا ايتىلعانداي, مەرزىمدەردىڭ تۇبەگەيلى قىسقارۋى سۇراقتار تۋدىرادى. مىسالى, كاسىپكەرلەرگە قۇجاتتاماداعى قاتەلەردى جويۋعا ءۇش كۇن عانا ۋاقىت بەرىلەدى, بۇل تەك زاڭنامالىق نورمالارعا قايشى كەلىپ قويماي, بيزنەس ءۇشىن قوسىمشا تاۋەكەل دەاكەلەدى.
تاعى ءبىر ماسەلە – پيلوتتىق جوبانىڭ مارتەبەسىنە قاراماستان, ءار كەزەڭدەگى قىزمەتتىڭ اقىلى سيپاتى. «ەگەر بۇل سىناق بولسا, نەگە بيزنەس ۋاقىت پەن اقشاعا قاۋىپ ءتوندىرىپ, قاتىسۋ ءۇشىن اقى تولەۋى كەرەك؟» - دەيدىقازاقستان فارماتسەۆتيكالىق قىزمەتتى قولداۋ جانە دامىتۋ قاۋىمداستىعىنىڭ پرەزيدەنتى مارينا دۋرمانوۆا.
كاسىپكەرلەردىڭ جوبانى دايىنداۋ پروتسەسىنە دە ايتار سىنى بار. «اتامەكەن» پالاتاسىنىڭ باسقارۋشى ديرەكتورى نازگۇل قابدراحمانوۆا بيزنەس ءۇش جىل بويى راسىمدەردى جەڭىلدەتۋ ءۇشىن ءوز شەشىمدەرىن ۇسىنعانىن, بىراق دەنساۋلىق ساقتاۋ مينيسترلىگى جوبانى كاسىپكەرلەرمەن كەلىسپەي ازىرلەگەنىن ايتادى. سونداي-اق جوبادا ناقتى انىقتالعان قاتىسۋشىلار, نەگىزگى تيىمدىلىك كورسەتكىشتەرى (KPI) جانە ىسكە اسىرۋ مەرزىمدەرى جوق.
«كومپوزيتتىك مەملەكەتتىك قىزمەتتى ەلەكتروندى فورماتتا ءبىر ءوتىنىش ارقىلى الۋ مۇمكىندىگى بيزنەس ءۇشىن وتە تارتىمدى جانە ونى لايىقتى جۇزەگە اسىرۋعا بولادى. الايدا, جوبا پىسىقتاۋدى تالاپ ەتەدى, ويتكەنى ول بيزنەستىڭ قاجەتتىلىگىن كورسەتپەيدى», دەيدى ول.
دەنساۋلىق ساقتاۋ مينيسترلىگى تسيفرلىق پلاتفورما ءازىر جەتىلدىرىلۋ ۇستىندە ەكەندىگىن العا تارتادى. پالاتا دا جوبانى ەگجەي-تەگجەيلى تالقىلاۋ ءۇشىن مەملەكەتتىك ورگاندار مەن بيزنەستىڭ قاتىسۋىمەن قايتا كەڭەس وتكىزۋگە نيەتتى. كاسىپكەرلەر اشىقتىقتى, پلاتفورمانى پىسىقتاۋدى جانە ولاردىڭ ۇسىنىستارىن ەسكەرۋدى تالاپ ەتەدى. وتاندىق نارىقتى جاڭعىرتۋعا ۇمتىلىپ وتىرعان جاعدايدا «بىرىڭعاي تەرەزەنىڭ» تيىمدىلىگى بيلىكتىڭ بيزنەس-قوعامداستىقپەن ديالوگ ورناتىپ, ىسكە اسىرۋ بارىسىنداعىكەدەرگىلەردى جويۋىنا بايلانىستى.
باستاما جاڭا ءدارى-دارمەك پەن مەديتسينالىق بۇيىمدارعا قول جەتكىزۋدى جەڭىلدەتەدى.بىراق ناقتى ستراتەگياسىز, اشىق شارتتارسىز جانە بيزنەس مۇددەلەرى ناقتى ەسەپكە الىنباي, جوبا تاعى ءبىر ءورشىل, ايتسە دەىسكە اسۋى ءدۇدامال باستاماعا اينالۋى مۇمكىن, دەپ الاڭدايدى كاسىپكەرلەر.
