ءىس-شاراعا قر قارۋلى كۇشتەرىنىڭ باس اسكەري-مەديتسينالىق باسقارماسى, ۇلتتىق عىلىمي مەديتسينالىق ورتالىعى, ۇلتتىق شۇعىل مەديتسينانى ۇيلەستىرۋ ورتالىعى, استانا مەديتسينا ۋنيۆەرسيتەتى مەن باسقا دا مەكەمەلەردەن 200-دەن استام جەتەكشى مەديتسينا ماماندارى قاتىستى.
كونفەرەنتسيا اياسىندا ەلىمىزدىڭ جەتەكشى پروفەسسورلارىنىڭ قاتىسۋىمەن پلەنارلىق جانە جاس عالىمدارعا ارنالعان پوستەرلىك سەسسيالار ءوتتى.
جەتەكشى ماماندار ينفەكتسيالاردى دياگنوستيكالاۋدىڭ زاماناۋي تاسىلدەرى جانە اياق ديابەتى سيندرومىن ەمدەۋ ادىستەرى تۋرالى ايتتى. بۇدان بولەك ۇرىس قيمىلى ءجۇرىپ جاتقان ايماقتا مەديتسينالىق كومەكتى ۇيىمداستىرۋعا نازار اۋدارىلدى. بىرەگەي يننوۆاتسيالىق ادىستەردى قولدانا وتىرىپ, جاۋىنگەرلىك جاراقاتتى ەمدەۋ ناتيجەلەرى تالقىلاندى.
كونفەرەنتسياعا قاتىسۋشىلار وقۋ-جاتتىعۋ جيىنى كەزىندە جوعارى مەديتسينالىق وقۋ ورىندارىنىڭ اسكەري كافەدرالارى جانىنداعى زاپاستاعى مەديتسينالىق قىزمەت وفيتسەرلەرىن وقىتۋ تاجىريبەسىمەن ءبولىسىپ, اسكەري قىزمەتشىلەردىڭ دەنساۋلىعىن ساقتاۋ مەن جاۋىنگەرلىك قابىلەتىن قالپىنا كەلتىرۋدەگى اسكەري-مەديتسينالىق وڭالتۋدىڭ ءرولىن اتاپ ءوتتى.
