ونەر فەستيۆالىندە, سونداي-اق ءبىلىم بەرۋ ۇيىمدارى زاماناۋي, تاقىرىپقا جانە تالعامعا ساي جاسالعان ۇلتتىق, تۇرمىستىق قولدانبالى بۇيىمدار, وقۋشىلاردىڭ جەكە شىعارماشىلىق جانە ۇستازدارمەن بىرىككەن كومپوزيتسيالىق جۇمىستارىنىڭ قولونەر كورمەلەرى ۇسىنىلدى. سونىمەن قاتار قوعامنىڭ نازارىن بالانىڭ داۋىسىنا اۋدارۋ, بالالاردىڭ مەكتەپ, قالا جانە ەل ومىرىنە قاتىسۋىن كەڭەيتۋ ءۇشىن ارنايى دايىندالعان سۇراقتارعا جاۋاپ بەرۋ بويىنشا پىكىرلەرى, يدەيالارى مەن تىلەكتەرىن بىلدىرۋگە ارنالعان چەللەندج ۇيىمداستىرىلدى. قورىتىندى ءىس-شارادا وبلىس اكىمىنىڭ ورىنباسارى بەيسەنباي تاجىباەۆ بالالاردى ايتۋلى مەرەكەسىمەن قۇتتىقتادى.
– بۇل ەرەكشە كۇن – بولاشاعىمىزدىڭ جارقىن بەينەسى سانالاتىن سۇيكىمدى بالالارعا دەگەن شەكسىز سۇيىسپەنشىلىك پەن قامقورلىقتىڭ مەرەكەسى. ءاربىر بالانىڭ اماندىعى, باقىتتى بالالىق شاعى – كەز كەلگەن ەلدىڭ, ءار وتباسىنىڭ باستى قۇندىلىعى. ءبىزدىڭ ەلىمىزدە, وبلىسىمىزدا ءوسىپ كەلە جاتقان جاس ۇرپاقتىڭ ءبىلىمدى, تاربيەلى, دەنى ساۋ بولىپ وسۋىنە بارلىق جاعداي جاسالىپ كەلەدى. مەكتەپتەر مەن بالاباقشالار بوي كوتەرىپ, ءتۇرلى مادەني-سپورتتىق نىساندار اشىلۋدا. بۇل – سىزدەردىڭ بولاشاعىڭىز ءۇشىن جاسالىپ جاتقان ماڭىزدى قادامدار, – دەدى بەيسەنباي تاجىباەۆ.
وقۋشىلار ساحنا تورىندە ۇلتتىق مادەنيەتىمىز بەن ادەبيەتىمىزدى ناسيحاتتاپ, تۋعان ولكەگە دەگەن سۇيسىپەنشىلىگىن ۇلتتىق ونەر ارقىلى كورسەتتى.
تۇركىستان وبلىسى
