اتىراۋ وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا قاراعاندا, سينتەتيكالىق ەسىرتكىنى تاراتقان تۇرعىن – يندەر اۋدانىنىڭ تۋماسى.
«ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى جەدەل ىزدەستىرۋ ءىس-شاراسىن جۇرگىزىپ, اتىراۋ قالاسىنىڭ اۋماعىندا ەسىرتكى زاتتارىن تاراتۋمەن اينالىسقان 37 جاستاعى تۇرعىندى ۇستادى. كۇدىكتىنى ءتىنتۋ كەزىندە, كەيىن ونىڭ كورسەتۋىمەن 100 دانا ورالعان اق ءتۇستى ۇنتاق تارىزدەس زاتتار تاركىلەندى. تاركىلەنگەن زاتتاردىڭ سالماعى 1 كەلىدەن اساتىن سينتەتيكالىق ەسىرتكى ەكەنى انىقتاللى», دەپ حابارلادى دەپارتامەنتتىڭ ءباسپاسوز قىزمەتى.
قازىر ۇستالعان كۇدىكتىگە قاتىستى قىلمىستىق ءىس قوزعالدى. كۇدىكتى قاماۋعا الىندى.
اتىراۋ وبلىسى
