اۋىل شارۋاشىلىعى باسقارماسىنىڭ باسشىسى ءانۋار تولەبەكوۆتىڭ ايتۋىنشا, وبلىستا 5,4 ملن گەكتار اۋىل شارۋاشىلىعى جەرلەرىن زەرتتەۋ كوزدەلگەن.
اقتوعاي اۋدانىنىڭ تۇرعىندارى الەۋمەتتىك جەلىلەردە زيانكەستەر قاپتاپ كەتكەنىنە شاعىمداندى. بۇل وبلىستىق شتابتىڭ وقيعا ورنىنا بارىپ, شەگىرتكەمەن كۇرەس جۇمىستارىن باقىلاۋدى كۇشەيتۋگە سەبەپ بولدى. 21 مامىردا اۋداندا فيتوسانيتاريالىق دياگنوستيكا جانە اۋماقتىق ينسپەكتسيا ماماندارىنىڭ قاتىسۋىمەن كوشپەلى كەڭەس ءوتتى.
«شارالار قابىلداندى. تەحنيكا دايىن, قاجەتتى ءدارى-دارمەك قورى بار. رەسپۋبليكالىق فيتوسانيتاريالىق دياگنوستيكا جانە بولجامدار ادىستەمەلىك ورتالىعىنىڭ وبلىستىق فيليالىنىڭ ماماندارى اۋىل شارۋاشىلىعى ماقساتىنداعى جەرلەردى كوكتەمگى زەرتتەۋ جۇمىستارىن جۇرگىزىپ جاتىر. شەگىرتكەنىڭ تابىندىق ەمەس تۇرلەرى بويىنشا اۋماقتى وڭدەۋ 27 مامىردا باستالادى. جۇمىستاردى اۆياتسيانى قولدانا وتىرىپ, مەردىگەر ۇيىمدار جۇرگىزەتىن بولادى. 83,45 مىڭ گەكتار جەر وڭدەلۋگە جاتادى», دەپ حابارلادى ءانۋار تولەبەكوۆ.
20 مامىردان باستاپ يتالياندىق پرۋس تۇرلەرىن قوسا العاندا ۇيمەلەپ جۇرەتىن شەگىرتكەلەرگە قارسى حيميالىق وڭدەۋ جۇمىستارى جۇرگىزىلىپ جاتىر.
جۇمىس توعىز جەر ءۇستى بۇرىككىش, ەكى اسا جەڭىل ۇشاق, دەلتاپلان جانە ءتورت اگرودروننىڭ كومەگىمەن ورىندالىپ جاتىر.
قاراعاندى وبلىسىنىڭ اكىمى ەرماعانبەت بولەكپاەۆ بارلىق جۇمىس وبلىستىق شتابتىڭ باقىلاۋىندا ەكەنىن, سونداي-اق اقپاراتتىق ۆاكۋم بولماۋى ءۇشىن تۇرعىنداردى جۇرگىزىلىپ جاتقان جۇمىستار تۋرالى حاباردار ەتۋ قاجەتتىگىن اتاپ ءوتتى.
ء«بىز جەدەل ارەكەت ەتتىك. بارلىق ءىس-شارا كەستە بويىنشا ورىندالادى, جاعداي تۇراقتى رەجيمدە باقىلانادى. باستى مىندەت – اۋىل شارۋاشىلىعى وندىرۋشىلەرىنىڭ شارۋاشىلىقتارىندا بولۋى مۇمكىن زياننىڭ الدىن الۋ», دەدى ءوڭىر باسشىسى.
