فوتو: اشىق دەرەككوز
اشىلۋ سالتاناتىنا وبلىس اكىمىنىڭ ءبىرىنشى ورىنباسارى دانيار جانالينوۆ, وبلىس پروكۋرورى ريزابەك وجاروۆ, سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتىنىڭ باستىعى قۋانىش احمەتقاليەۆ, پوليتسيا دەپارتامەنتىنىڭ باستىعى سەرىك ەرگەشوۆ پەن وزگە دە قۇقىق قورعاۋ سالاسى باسشىلارى قاتىسقان ورتالىقتىڭ ەرەكشەلىگى – ينتەرنەت-الاياقتاردىڭ قۇربانى بولعان ازاماتتاردىڭ ارىزى ءبىر جەردەن قابىلدانىپ, ءبىر جەردەن تەرگەلەتىن بولادى. بۇرىن ارىزدى قابىلداۋ, تەرگەۋشىگە تاپسىرۋدىڭ ءوزى ءبىرشاما ۋاقىت السا, ەندى ونىڭ ءبارى جەدەل ورىندالىپ, اقشا اينالىمىنا دەرەۋ توسقاۋىل قويىلادى.
«وسى ارقىلى ءبىز قىلمىستىڭ سانىن ازايتامىز. ەڭ جاقسى امال – الدىن الۋ. سوندىقتان, حالىققا ينتەرنەت الاياقتاردان ساقتانۋ جولدارى بارىنشا كەڭ ءتۇسىندىرىلۋى كەرەك», دەدى پوليتسيا دەپارتامەنتىنىڭ باستىعى سەرىك ەرگەشوۆ.
ورتالىق ينتەرنەت-الاياقتىققا قارسى كۇرەستى كۇشەيتىپ, قىلمىستىڭ الدىن الۋمەن قاتار ازاماتتاردىڭ پوليتسياعا دەگەن سەنىمىن نىعايتا تۇسۋگە سەپ بولماق.
ينتەرنەت الاياقتىقتىڭ الدىن الۋدىڭ ەڭ ءتيىمدى شاراسى ازاماتتاردىڭ اقپاراتتىق جانە قۇقىقتىق ساۋاتتىلىعىن ارتتىرۋ. بۇل رەتتە قىزىلوردا وبلىسىنىڭ پوليتسيا دەپارتامەنتى حالىقتى اقپاراتتاندىرۋ بويىنشا اۋقىمدى جۇمىستار جۇرگىزىپ جاتىر. وسىنىڭ ارقاسىندا ايماقتا از ۋاقىت ىشىندە الاياقتىقتىڭ 60-تان استام دەرەگى اشىلدى.
