فوتو: اشىق دەرەككوز
«جۋرناليستەر كۇنىنە وراي پارلامەنت سەناتى ۇيىمداستىراتىن ءداستۇرلى «پاراسات» بايقاۋىنا وتىنىمدەر قابىلدانا باستادى. بايقاۋعا مەملەكەت باسشىسىنىڭ رەفورمالارىنىڭ ءمانى مەن ولاردىڭ ىسكە اسىرىلۋىن زاڭنامالىق تۇرعىدان قامتاماسىز ەتۋ جۇمىستارىن حالىققا جەتكىزىپ, ناسيحاتتاپ جۇرگەن جۋرناليستەر, شىعارماشىلىق ۇجىمدار جانە بلوگەرلەر قاتىسا الادى. جۇمىستاردى قاراپ, ساراپتاۋ ءۇشىن كونكۋرستىق كوميسسيا قۇرىلدى. ونىڭ قۇرامىندا وتاندىق مەديا سالاسىندا ايقىن قولتاڭباسىن قالدىرعان سەناتورلار – نۇرتورە ءجۇسىپ, دارحان قىدىرالى, بيبىگۇل جەكسەنباي, ايگۇل قاپباروۆا, اسەم راحمەتوۆا جانە باسقا دا ارىپتەستەر بار», دەپ جازدى ماۋلەن اشىمباەۆ.
كونكۋرس جۇرتشىلىققا اقپارات جەتكىزۋ مەن قوعامدى مەملەكەتتىك دامۋ ۇدەرىسىنە تارتۋعا ىقپال ەتەتىن كاسىبي جۋرناليستيكانى قولداۋ جانە ىنتالاندىرۋ ماقساتىندا وتكىزىلىپ وتىر. باق وكىلدەرى ۇسىناتىن ماتەريالدار مەملەكەت باسشىسىنىڭ تاپسىرمالارىن ىسكە اسىرۋ بارىسىن جاريا ەتۋگە, سەناتتا تالقىلاناتىن زاڭدار مەن ولاردىڭ وزەكتى ماسەلەلەردى شەشۋگە باعىتتالۋىن كورسەتۋگە ارنالۋى ءتيىس. سونىمەن قاتار, سەنات دەپۋتاتتارىنىڭ دەپۋتاتتىق ساۋالدارى ارقىلى وڭىرلىك تۇيتكىلدەردى شەشۋگە اتسالىسۋ تاقىرىبىنداعى ماتەريالدار دا قابىلدانادى.
وتىنىمدەر 2025 جىلدىڭ 10 ماۋسىمىنا دەيىن قابىلدانادى. جۇمىستار كەلەسى نوميناتسيالار بويىنشا قاراستىرىلادى:
-
ۇزدىك تەلەديدار ماتەريالى
-
ۇزدىك راديو ماتەريال
-
باق باسىلىمىنداعى ۇزدىك جاريالانىم
-
ينتەرنەتتەگى ۇزدىك جاريالانىم
-
الەۋمەتتىك جەلىدەگى ەڭ جاقسى اقپارات
-
ۇزدىك تالدامالىق ماتەريال (ارنايى نوميناتسيا)
ماتەريالدار Senat_Press@parlam.kz ەلەكتروندىق پوشتاسىنا جولدانۋى ءتيىس.
انىقتاما تەلەفوندارى: 74-71-37, 74-72-27.
جەڭىمپازداردى ماراپاتتاۋ ءراسىمى بۇقارالىق اقپارات قۇرالدارى قىزمەتكەرلەرى كۇنى قارساڭىندا وتەدى.
كونكۋرس شارتتارى تۋرالى تولىق اقپاراتتى سەناتتىڭ رەسمي سايتىنان الۋعا بولادى:
https://senate.parlam.kz/kk-KZ/contests/parasat
قۇرمەتپەن, ءباسپاسوز قىزمەتى
بايلانىس: 8 (7172) 74-72-24
داميرا تولەگەن
ەۇۋ ستۋدەنتى
