بايزاق اۋدانىندا وتكەن ءىس-شارادا ۇلتتىق سپورت تۇرلەرى مەن سالت-ءداستۇر دارىپتەلىپ, كىتاپحانالار مەن مۋزەيلەردىڭ كورمەسى, تەاترلاندىرىلعان قويىلىم كوپشىلىك نازارىنا ۇسىنىلدى. وبلىس اكىمى مادەنيەت پەن ونەر سالاسىندا ەڭبەك ەتىپ جۇرگەن 4 مىڭعا جۋىق ازاماتتىڭ ۇلت رۋحانياتىنىڭ دامۋىنا قوسقان ۇلەسىن اتاپ ءوتىپ, ولارعا شىنايى ريزاشىلىعىن جەتكىزدى.
«مەملەكەت باسشىسى قاسىم-جومارت توقاەۆ اتاپ وتكەندەي, مادەنيەت پەن ونەردىڭ اعارتۋشىلىق الەۋەتى وراسان زور. بۇل سالا ۇلت ساناسىن جاڭعىرتۋعا ەرەكشە ىقپال ەتەدى.
بۇگىنگى تاڭدا ەلىمىزدىڭ مادەني ومىرىنە سەرپىن بەرەتىن ماڭىزدى باستامالار جۇزەگە اسىرىلىپ كەلەدى. وڭىردە دە ۇلتتىق رۋحتى جاڭعىرتۋعا, جاس ۇرپاققا ونەگەلى تاربيە بەرۋگە باعىتتىلعان اۋقىمدى ءىس-شارالار ۇيىمداستىرىلۋدا.
2024 جىلى 8 مادەنيەت نىسانى ەل يگىلىگىنە بەرىلدى. وسى جىلى 16 مادەنيەت نىسانىنىڭ قۇرىلىسى جۇرگىزىلۋدە.
بۇل – مادەنيەتىمىزدى دامىتۋعا, ەلدى مەكەندەردە ونەر مەن رۋحانياتتى قولجەتىمدى ەتۋگە باعىتتالعان ناقتى قادام. ءاربىر نىسان – تۇرعىنداردىڭ شىعارماشىلىق الەۋەتىن ارتتىرىپ, ايماقتىڭ مادەني كەلبەتىن ايشىقتاي تۇسەتىنى ءسوزسىز, – دەدى وبلىس اكىمى.
سالتاناتتى ءىس-شارا بارىسىندا مادەنيەت جانە ونەر سالاسىنىڭ بىرقاتار قىزمەتكەرى سالا دامۋىنا قوسقان ەلەۋلى ۇلەسى ءۇشىن ماراپاتتالىپ, قارجىلاي سەرتيفيكاتقا يە بولدى. مەملەكەت باسشىسىنىڭ جارلىعىنا سايكەس ا. توقپانوۆ اتىنداعى جامبىل وبلىستىق قازاق دراما تەاترىنىڭ ءارتىسى مايرا الىمبەتوۆا «قۇرمەت» وردەنىمەن ناگرادتالدى. كاسىبي ءانشى قاھارمان ىلياسقا قر پرەزيدەنتىنىڭ العىس حاتى مەن «التىن بارىس» بەلگىسى تاپسىرىلدى.
