فوتو: اشىق دەرەككوز
دەپارتامەنت باسشىسى, ادەپ جونىندەگى كەڭەس توراعاسى ابىلايحان ناۋرىزباەۆتىڭ مالىمدەۋىنشە, وتكەن جىلمەن سالىستىرعاندا ارىزداردىڭ ءتۇسۋ ديناميكاسى 50%-عا جوعارىلاعان. ول بۇل ءجايتتى ازاماتتاردىڭ دەپارتامەنتكە دەگەن سەنىمىمەن بايلانىستىرىپ وتىر.
«ماسەلەن, تۇركىستان قالاسىنىڭ تۇرعىندارى جەر ۋچاسكەلەرىنىڭ بولىنەتىندىگى مەن بولىنبەيتىندىگىن ايقىنداۋدان باس تارتىلعانى تۋرالى دەپارتامەنتكە ارىزدانعان. اتالعان كورسەتىلەتىن مەملەكەتتىك قىزمەتتىڭ ءتارتىبى اۋىل شارۋاشىلىعى ءمينيسترىنىڭ 2020 جىلعى 1 قازانداعى № 301 بۇيرىعىمەن بەكىتىلگەن «جەر ۋچاسكەلەرىنىڭ بولىنەتىندىگى مەن بولىنبەيتىندىگىن ايقىنداۋ» قاعيداسىمەن رەتتەلەدى. اتالعان ۇجىمدىق ارىزدى جان-جاقتى, وبەكتيۆتى جانە تولىق قاراۋ ماقساتىندا دەپارتامەنتپەن ءتيىستى مەملەكەتتىك ورگانعا جوسپاردان تىس تەكسەرۋ جۇرگىزىلدى. انىقتالعانداي, قىزمەت الۋشىلارمەن 2024 جىلدىڭ شىلدە ايىندا وتىنىشتەر بەرىلىپ, قىزمەت كورسەتۋشى تاراپىنان قولدانىستاعى زاڭناما تالاپتارى ساقتالماي, قىزمەت كورسەتۋدەن باس تارتىلعان. جۇرگىزىلگەن تەكسەرۋ ناتيجەسىنىڭ قورىتىندىسى بويىنشا دەپارتامەنت تاراپىنان ءتيىستى تۇسىندىرمە جۇمىستارى جۇرگىزىلىپ, بۇزۋشىلىقتاردى جويۋ جانە الداعى ۋاقىتتا بولدىرماۋ تۋرالى ۇسىنىس ەنگىزىلدى», دەيدى دەپارتامەنت باسشىسى.
بۇل باعىتتا جۇرگىزىلگەن جۇمىستار ناتيجەسىندە, قىزمەت الۋشىلاردىڭ بۇزىلعان قۇقىقتارى تولىقتاي قالپىنا كەلتىرىلگەن.
تۇركىستان وبلىسى
