فوتو: اشىق دەرەككوز
1-سىنىپتان 11-سىنىپقا دەيىن ۇيىمداستىرىلعان تاربيە ساعاتى ء«بىلىمىم – وتانىما» اتتى ورتاق تاقىرىپ اياسىندا ءوتتى. سىنىپ ساعاتى بارىسىندا وقۋشىلارعا وتانشىلدىق رۋحتى وياتاتىن, ءبىلىم مەن ەڭبەككە دەگەن قۇرمەتتى دارىپتەيتىن بايانداما جاسالىپ, قىزىقتى ويىندار وتكىزىلدى. مۇعالىمدەر مەن سىنىپ جەتەكشىلەرى ەلگە قىزمەت ەتۋ, ادالدىق پەن جاۋاپكەرشىلىك سىندى اسىل قۇندىلىقتاردى وقۋشىلارعا جەتە ءتۇسىندىردى. ءىس-شارا بارىسىندا ء«بىرتۇتاس تاربيە» جوباسىنىڭ اياسىندا وقۋشىلار اراسىندا وتكىزىلگەن ەسسە بايقاۋىنىڭ جەڭىمپازدارى انىقتالىپ, ۇزدىك دەپ تانىلعان وقۋشىلار ماراپاتقا يە بولدى.
«بۇگىن, مىنە, وقۋ جىلىنىڭ قورىتىندىسىن ء«بىلىمىم – وتانىما» سىنىپ ساعاتىمەن تۇيىندەدىك. سىنىپ ساعاتىندا «ادال ازامات» ءبىرتۇتاس تاربيە باعدارلاماسىنىڭ قۇندىلىقتارىنا باسىمدىلىق بەرىپ, ءتۇرلى فورماتتا وتكىزدىك. وتكەن اپتادان بەرى باستالعان ەسسە بايقاۋىنىڭ ناتيجەسىن شىعارىپ, ۇزدىك جازىلعان جۇمىستاردى ماراپاتتادىق. وقۋشىلارعا تانىمدىق كىتاپتار مەن فيلمدەردىڭ ءتىزىمى بەرىلىپ, دەمالىس كەزىن ءتيىمدى وتكىزۋ ۇسىنىلدى. قاۋىپسىزدىك شارالارى بويىنشا دا الدىن الا جۇمىستار جۇرگىزىلىپ, بەينەماتەريالدار كورسەتىلدى», دەدى «اباي قۇنانباي ۇلى اتىنداعى №87 مەكتەپ-گيمنازيا» ديرەكتورى ايگۇل كاشاەۆا.
ءار مەكتەپ تۇلەگى بولاشاققا ءوز ارمانىمەن اتتانادى. ءبىرى عىلىم جولىن قالاسا, ەندى ءبىرى ونەر مەن مادەنيەتكە بەت بۇرادى. ال ەندى ءبىرى – ۇستاز بولۋدى ومىرلىك ميسسياسى دەپ سانايدى. مەكتەپ تۇلەگى ساياجان دا – سونداي ارمان جەتەگىندەگى جاستاردىڭ ءبىرى. «مەكتەپ مەنىڭ شىعارماشىلىق جولىمدى اشىپ, ۇلكەن شابىت سىيلادى. ەكى جىل عانا وقىسام دا, وسى شاڭىراقتا العان ءتالىم مەن تاربيە مەنى تۇلعا رەتىندە قالىپتاستىردى. بولاشاقتا قازاق ءتىلى مەن ادەبيەتى ءپانى مۇعالىمى بولۋدى تاڭداپ وتىرمىن. ەل بولاشاعىنا قىزمەت ەتەتىن ۇلت ۇستازى بولۋ – باستى ماقساتىم», دەيدى 11-سىنىپ وقۋشىسى س. ازاماتقىزى.
سونىمەن قاتار سىنىپ ساعاتىنا استانا قالالىق ادىستەمەلىك ورتالىعىنىڭ مامانى گۇلزيرا الياكباروۆنا ارنايى قاتىسىپ, وقۋ جىلىن ۇزدىك اياقتاعان بىرقاتار وقۋشىلارعا گراموتالار تابىستادى. وسىلايشا وقۋشىلاردىڭ ءبىر جىل بويعى ەڭبەگى مەن جەتىستىكتەرى باعالاندى. ء«بىلىم بولاشاقتىڭ باستاۋى. جىل بويى وتكىزىلگەن بارلىق سىنىپ ساعاتى تەك تاربيە ەمەس, وقۋشىنىڭ تۇلعالىق دامۋىنا ىقپال ەتەتىن ماڭىزدى الاڭعا اينالدى. ءاربىر ساعاتتا ءبىز وقۋشىلاردىڭ بويىنا قۇندىلىقتاردى ءسىڭىرىپ, ومىرلىك باعىت بەردىك. ەندى وسى ءبىلىم مەن تاربيەنى جازدا وي يەلىگىنەن وتكىزىپ, كەلەسى جىلعا جاڭا ماقساتپەن ورالسا, ناعىز جەتىستىك وسى», دەدى گ. الياكباروۆا.
