ورالدا پوليتسەيلەر جەرگىلىكتى ازاماتتى ورتتەن قۇتقارىپ قالدى

ورال. 5 مامىر. ورال قالالىق ىشكى ىستەر ءبولىمىنىڭ قىزمەتكەرلەرى مۇحيت ءابىلحايىروۆ پەن جەڭىس ءامىر ۇلى جەرگىلىكتى ازاماتتى ورتتەن اراشالاپ قالدى. بۇل تۋرالى باتىس قازاقستان وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى. وقيعا 30 ساۋىردەن 1 مامىرعا قاراعان تۇندە بولعان. اعا لەيتەنانت مۇحيت ءابىلحايىروۆ باستاعان پوليتسيا قىزمەتكەرلەرى «نان زاۋىتى» ماڭايىندا ءبىر ەر ادامنىڭ «ورتتەن قۇتقارىڭدار! ىشتە ادام قالىپ قويدى» دەپ ايقايلاعانىن ەستيدى. «كوك ءتۇتىن ءۇيدىڭ ەكىنشى قاباتىنان شىعىپ جاتقانىن بايقادىق. تەمىر ەسىك ق ۇلىپتاۋلى. سول سەبەپتەن ىشكە بالكون ارقىلى كىرۋگە ارەكەتتەندىم. تەرەزەنى راتسيامەن سىندىرىپ كىرگەن بويدا پاتەر ىشىندە كىلتىن ىزدەپ, تالىقسىپ جاتقان ەر ادامدى كوردىم. كوپ كەشىكپەي قالالىق ىشكى ىستەر ءبولىمىنىڭ 502-ءشى ەكيپاجى كومەككە كەلدى. سول ساتتە پوليتسيا ستارشيناسى جەڭىس ءامىر ۇلى مەنىمەن بىرگە قۇتقارۋ وپەراتسياسىنا جەدەل كىرىسىپ كەتتى. قالعان قىزمەتكەرلەر زارداپ شەگۋشىنى بالكون ارقىلى تۇسىرۋگە كومەكتەستى», – دەيدى مۇحيت. جەدەل قيمىلداعان ءتارتىپ ساقشىلارى وتقا ورانعان ءۇيدىڭ تۇرعىندارىن ەۆاكۋاتسيالاۋ كەزىندە ءورت سوندىرۋشىلەر دە كەلىپ جەتتى. تەمىر قۇسايىن. دەرەك: باتىس قازاقستان وبلىستىق ىشكى ىستەر دەپارتامەنتىنىڭ ءباسپاسوز قىزمەتى. سۋرەت: uralskweek.kz.