فوتو: اشىق دەرەككوز
وتكەن جىلى ەل ەكونوميكاسىنداعى شاعىن جانە ورتا بيزنەستىڭتىڭ ۇلەسى 39,7%-عا دەيىن ءوستى. بۇل ەلدەگى كاسىپكەرلىكتىڭ ەركىن دامي باستاعانىن كورسەتەدى. ورتالىق كوممۋنيكاتسيالار قىزمەتىندە بولعان ءباسپاسوز ءماسليحاتىندا ۇلتتىق ەكونوميكا مينيسترلىگى كاسىپكەرلىكتى مەملەكەتتىك قولداۋ جانە قورعاۋ دەپارتامەنتىنىڭ ديرەكتورى دارىن ءابدۋالى بىلتىر 275,2 ملرد تەڭگە بيزنەستى جەڭىلدەتىلگەن قارجىلاندىرۋعا باعىتتالعانىن ايتتى.
بۇگىندە شوب-تا جۇمىسپەن قامتىلعانداردىڭ جالپى سانى 4,4 ملن-نان استام ادامدى قۇرايدى. وسىعان قاراپ, ەلىمىزدە كاسىپكەرلىك مادەنيەتى قالىپتاسا باستاعانىنىڭ كۋاسى بولامىز. مەملەكەتتىك قولداۋ باعدارلاماسى بويىنشا 17 مىڭنان استام بيزنەس جوباسى شامامەن 1 ترلن تەڭگە نەسيە سوماسىنا سۋبسيديالاندى.
بىلتىرعى جىل قورىتىندىسى بويىنشا كەپىلدىكتى قولداۋ 8 مىڭ جوباعا قولعابىس بولعان. دەپارتامەنت ديرەكتورىنىڭ سوزىنە يلانساق, وتكەن جىلى 15 مىڭ سەرۆيستىك قىزمەت كورسەتىلدى. سونداي-اق بيزنەستى جۇرگىزۋدىڭ ءتۇرلى ماسەلەلەرى بويىنشا 135 مىڭنان استام كونسۋلتاتسيا بەرىلىپتى. ەندى كەز-كەلگەن كولەمدەگى – كىشكەنتايدان ۇلكەنگە دەيىنگى كومپانيالار جەتكىلىكتى كەپىل بولماعان جاعدايدا دا قارجىلاندىرۋدى تارتا الادى.
شەنەۋنىكتەردىڭ شىن ءسوزى دەپ بىلسەك, بۇدان بىلاي شوب ءۇشىن 7 ملرد تەڭگەگە دەيىنگى كەپىلدىكتەر جەڭىلدەتىلگەن ءراسىم بويىنشا – نەبارى 2 كۇندە ءازىر بولادى. بۇل يگىلىكتەرمەن قاتار, جىلدىق 12,6% جەڭىلدىكتى قارجىلاندىرۋدىڭ جاڭا باعدارلاماسى مۇقيات ازىرلەنۋدە. جاڭا باعدارلاما كاسىپكەرلەردىڭ كەڭگە كوسىلۋىنە بارلىق جاعدايدى جاسايدى دەگەن ءۇمىت زور.
