فوتو: gov.kz
«قازىردىڭ وزىندە جىلۋ كوزدەرىن كەلەسى جىلىتۋ ماۋسىمىنا دايىنداۋعا كىرىستىك. جەو-2 كەڭەيتۋ جۇمىسىن باستاۋدى جوسپارلاپ وتىرمىز, سونداي-اق «تۇران» گاز جىلۋ ستانتسياسىنىڭ قۇرىلىسى تولىق اياقتالادى. سونىمەن قاتار, «تەلمان» گاز جىلۋ ستانتسياسىنىڭ قۇرىلىسىن دا جۇرگىزىپ جاتىرمىز. بۇدان وزگە, قوسىمشا 7 كم جىلۋ تراسساسىن سالامىز ءارى 1,8 كم جىلۋ تراسساسىن قايتا جاڭعىرتامىز», دەپ جازدى جەڭىس قاسىمبەك.
سونداي-اق, ەلەكترمەن جابدىقتاۋ جەلىلەرى بويىنشا – «اراي» قوسالقى ستانتسياسىن پايدالانۋعا بەرىپ, جاڭا 1 قوسالقى ستانتسيانىڭ (قابانباي) قۇرىلىسىن باستاۋ جوسپارلانعان. استاناداعى پەرسپەكتيۆتى قۇرىلىس اۋداندارىندا 24 تاراتۋ/ترانسفورماتورلىق پۋنكتىڭ قۇرىلىسىن جالعاستىرىپ, سونداي-اق 86 كم كابەل جەلىسىن (10 كۆت) قايتا جاڭعىرتۋ كوزدەلىپ وتىر.
