سپيكەر 2024 جىلى جانە بيىلعى جىلدىڭ العاشقى توقسانىندا اتقارىلعان جۇمىستار جونىندە بايانداما جاسادى.
– اگروونەركاسىپ كەشەنىندەگى ينۆەستيتسيالىق جوبالاردى قارجىلاندىرۋ جانە شاعىن ونەركاسىپ ايماعىنىڭ قۇرىلىسىن نەسيەلەۋ ەسەبىنەن اكتيۆتەر 13 ميلليارد تەڭگەگە ارتىپ, 48 ميلليارد تەڭگەدەن 61 ميلليارد تەڭگەگە دەيىن ۇلعايدى. سونىمەن قاتار وبلىستا الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ ماقساتىندا باعانى تۇراقتاندىرۋ بويىنشا بىرقاتار جۇمىستار اتقارىلىپ, 2024 جىلى الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ ماقساتىندا تاراز قالاسىنداعى ءىرى ساۋدا جەلىلەرىنە تۇراقتاندىرۋ قورىنان جالپى قۇنى 338,8 ميلليون تەڭگەگە تاۋارلىق ينتەرۆەنتسيا جۇرگىزىلدى. 2025 جىلدىڭ العاشقى كەزەڭىندە كارتوپ ءونىمىنىڭ باعاسىنىڭ كۇرت وسۋىنە بايلانىستى تۇراقتاندىرۋ قورىنان تاراز قالاسى اۋماعىنداعى ء«دامدى سەبەت», «نۇريسلام», «فيركان», «الەۋمەتتىك دۇكەن» جانە ءۇي ماڭىنداعى دۇكەندەرگە 415,2 توننا كارتوپ تاۋارلىق ينتەرۆەنتسيامەن شىعارىلدى. اتالعان ءونىم دۇكەن سورەلەرىنە 130 تەڭگەدەن قويىلدى. سونداي-اق وسى جىلى جالپى الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ ماقساتىندا تاراز قالاسىنداعى ءىرى ساۋدا جەلىلەرىنە تۇراقتاندىرۋ قورىنان قۇنى 70 ميلليون تەڭگەگە تاۋارلىق ينتەرۆەنتسيا جۇرگىزىلدى.2024 جىلى «اۋىلشارۋاشىلىعى سالاسىنداعى ينۆەستيتسيالىق جوبالاردى نەسيەلەندىرۋ» باعدارلاماسى اياسىندا رەسپۋبليكالىق بيۋدجەتتەن 8 ميلليارد تەڭگە ءبولىندى. قوسىمشا جەرگىلىكتى بيۋدجەتتەن 500 ميلليون تەڭگە قاراستىرىلدى. سونداي-اق ءوڭىر حالقىنىڭ تابىسىن ارتتىرۋ ماقساتىندا 2019-2024 جىلدارى ارالىعىندا «اۋىل اماناتى» جوباسى اياسىندا رەسپۋبليكالىق بيۋدجەتتەن جالپى 38,4 ميلليارد تەڭگە كولەمىندە قاراجات ءبولىنىپ, 8 027 جوبا قارجىلاندىرىلدى, – دەيدى راۆيل قۋانىشباي ۇلى كورپوراتسيانىڭ الداعى جوسپارلارىمەن دە ءبولىستى.
«تاراز» يندۋستريالىق ايماعىنىڭ اۋماعىندا 1 426 جۇمىس ورنى قۇرىلاتىن 141,6 ميلليارد تەڭگەگە 17 جوبانى ىسكە اسىرۋ جوسپارلانىپ وتىر ەكەن. «تاراز» يندۋستريالىق ايماعى مەن «Jibek Joly» ارنايى ەكونوميكالىق ايماعى اۋماعىندا شاعىن ورتا بيزنەستى قولداۋ ءۇشىن ونەركاسىپتى دامىتۋ قورىنىڭ قاراجاتى ەسەبىنەن زاماناۋي وندىرىستىك الانداردىڭ قۇرىلىسى جۇرگىزىلۋدە. وسى الاڭداردى 2025 جىلدىڭ ماۋسىم ايىنىڭ سوڭىنا دەيىن پايدالانۋعا بەرۋ جوسپارلانعان.
– 2024 جىلدىڭ مامىر ايىندا وبلىسقا ينۆەستيتسيا تارتۋ بويىنشا «Zhambyl Invest» ديرەكتسياسى قۇرىلدى. «Zhambyl Invest» وتاندىق جانە شەتەلدىك ينۆەستورلارعا ء«بىر تەرەزە» ءپرينتسيپى بويىنشا كونسۋلتاتسيالىق كومەك كورسەتەدى. «Zhambyl Invest» قۇرىلعالى بەرى 300-دەن استام كەزدەسۋ مەن كونسۋلتاتسيا وتكىزىلىپ, ينۆەستورلارمەن 25 مەموراندۋم مەن ءوزارا ىنتىماقتاستىق تۋرالى كەلىسىمشارتتارعا قول قويىلدى, – دەيدى ر.قۋانىشباي ۇلى.
ال, بىلتىر اۋىل شارۋاشىلىعى سالاسىنداعى ينۆەستيتسيالىق جوبالاردى نەسيەلەندىرۋ» باعدارلاماسى اياسىندا رەسپۋبليكالىق بيۋدجەتتەن 8 ملرد تەڭگە ءبولىندى. قوسىمشا جەرگىلىكتى بيۋدجەتتەن 500 ملن تەڭگە قاراستىرىلعان.
بۇل قاراجاتقا 15 ينۆەستيتسيالىق جوبا قارجىلاندىرىلدى:
- 4 جوبا – ءسۇت-تاۋار فەرمالارىن سالۋ بويىنشا;
- 6 جوبا – كوكونىس قويمالارىن سالۋ بويىنشا;
- 4 جوبا – اۋىل شارۋاشىلىعى ونىمدەرىن قايتا وڭدەۋ;
- 1 جوبا – تامشىلاتىپ سۋارۋ جۇيەلەرىن ورناتۋ.
بۇگىنگى تاڭدا 3 جوبا جۇزەگە اسىرىلدى:
- 2 جوبا اۋىل شارۋاشىلىعى ونىمدەرىن قايتا وڭدەۋ
- 1 جوبا كوكونىس قويماسىن قايتا قۇرۋ.
ال, 12 جوبا ىسكە اسىرۋ ساتىسىندا تۇر, ولاردى ىسكە قوسۋ 2025 جىلدىڭ سوڭىنا دەيىن جوسپارلانعان.
