البينا الياگاەۆنا – ءومىر جولى ونەگەگە تولى ۇستاز. اناسى – سىر ءوڭىرىنىڭ قاسيەتتى قارماقشى اۋدانىندا, اكەسى – ازەربايجان جەرىندە دۇنيەگە كەلگەن. ەكى ەلدىڭ ۇلاندارى لاتۆيادا ءبىلىم قۋىپ ءجۇرىپ, ءبىرىن-ءبىرى تاپقان, ومىرلىك سەرىك ەتكەن. وسىنداي تاتۋلىق پەن دوستىقتى تۋ ەتكەن شاڭىراقتىڭ جىلۋلىعىندا وسكەن البينانىڭ جۇرەگى كەڭ, جانى تازا. ول 1992 جىلى وتباسىمەن بىرگە قارماقشى اۋدانىنا قونىس اۋدارىپ, سودان بەرى تۋعان جەردىڭ ءتول پەرزەنتىندەي ەڭبەك ەتىپ كەلەدى.
البينا گاديروۆا تەك بىلىكتى ۇستاز عانا ەمەس, سونىمەن قاتار ۇلتتىق قۇندىلىقتاردى قادىر تۇتاتىن جان. قازاق حالقىنىڭ بارشا مەرەكەلەرىن اتاپ ءوتىپ, سالت-ءداستۇردى شاكىرتتەرىنىڭ بويىنا سىڭىرۋدە ەرەكشە ۇلگى كورسەتىپ ءجۇر. ول – ۇلت پەن ۇلىسقا بولىنبەيتىن, بەيبىتشىلىك پەن تاتۋلىقتى تۋ ەتكەن ەلدىڭ شىنايى جاناشىرى.
ۇستازدىق جولدى تاڭداۋداعى باستى سەبەپ – ءوزى ءبىلىم العان مەكتەبىندە قازاق ءتىلى مەن ادەبيەتىنەن ءدارىس بەرگەن سۇيىكتى ۇستازى مەرۋەرت كەنجەگۇلقىزىنىڭ ۇلگىسى. سول ۇستازىنىڭ قولداۋىمەن ءتۇرلى بايقاۋلار مەن رەسپۋبليكالىق وليمپيادالارعا قاتىسىپ, ءوز قابىلەتىن شىڭداعان. ەندى ءوزى دە شاكىرت تاربيەلەۋدە سول ىزگىلىكتى جولدى جالعاستىرىپ كەلەدى.
قازىرگى تاڭدا البينا الياگاەۆنا – شاكىرت جۇرەگىنە جول تابا بىلگەن, جاڭاشىلدىق پەن ۇلتتىق رۋحتى ساباقتاستىرا بىلەتىن تاجىريبەلى ۇستاز. ونىڭ مەملەكەتتىك ءتىلدى ۇيرەتەتىن ءار ساباعى – وقۋشىنى ويلاندىرۋعا, ىزدەندىرۋگە, ادامگەرشىلىككە تاربيەلەۋگە باعىتتالعان.
