يپوتەكاعا قول جەتكىزۋ جەڭىلدەدى
«ناۋرىز» باعدارلاماسى شەڭبەرىندە ازاماتتار باستاپقى جارنا رەتىندە پاتەر قۇنىنىڭ نەبارى 10 پايىزىن جيناسا جەتكىلىكتى. يپوتەكالىق نەسيەنىڭ جىلدىق پايىزدىق مولشەرلەمەسى الەۋمەتتىك وسال توپتار ءۇشىن 7%-دى قۇرايدى (جتسم — 7,1%-دان 9,6%-عا دەيىن), ال باسقا ساناتتاعى قاتىسۋشىلار ءۇشىن بۇل كورسەتكىش 9%-عا دەيىن جەتەدى (جتسم — 9,4%-تەن 13%-عا دەيىن).
2024 جىلى ىسكە قوسىلعان «ناۋرىز» جانە «وتاۋ» باعدارلامالارى بۇگىنگى تاڭدا بىرىكتىرىلىپ, ءبىرتۇتاس «ناۋرىز» اتاۋىمەن جۇزەگە اسىپ جاتىر. باعدارلاما باستالعالى بەرى 11 481 ازامات قونىس تويىن اتاپ ءوتتى. بيىل بۇل جوباعا 12 مىڭنان استام ادام تىركەلىپ, ونىڭ 2 767-ءسى — استانا قالاسىنىڭ تۇرعىندارى.
قازىردىڭ وزىندە 1 235 استانالىق وزدەرىنىڭ تولەم قابىلەتىن راستاپ, وتباسى بانكى تاراپىنان نەسيە الۋعا ماقۇلداندى. ال 403 وتباسى جاڭا باسپانالارىنا قونىستانىپ ۇلگەردى.
«باعدارلاما قاتىسۋشىلارىنا باسپانا تاڭداۋ ۇدەرىسىن جەڭىلدەتۋ ماقساتىندا ءبىز سەرىكتەسىمىز – GBG كومپانياسىمەن بىرگە تۇرعىن ءۇي كەشەندەرىنە ارنايى تۋر ۇيىمداستىردىق. تۋر بارىسىندا پاتەر برونداۋعا شەشىم قابىلداعان ازاماتتار قۇرىلىس كومپانياسىنىڭ ارنايى جەڭىلدىگىنە يە بولا الادى», دەدى وتباسى بانكىنىڭ ورتالىق فيليالى بيزنەستى دامىتۋ باسقارماسىنىڭ باسشىسى مەرۋەرت ادىلباەۆا.
سارايشىقتاعى زاماناۋي ءومىر سالتى
استانانىڭ قارقىندى دامىپ كەلە جاتقان اۋداندارىنىڭ ءبىرى – سارايشىق ىقشاماۋدانى بۇگىندە جاڭا كەلبەتكە يە بولىپ كەلەدى. مۇندا بوي كوتەرىپ جاتقان «Dauletti qalashyq» تۇرعىن ءۇي كەشەنى استانالىقتار ءۇشىن ەرەكشە تارتىمدى. بۇل جوبانى جۇزەگە اسىرىپ وتىرعان — Grand Building Group كومپانياسى. 2020 جىلدان بەرى 300 مىڭ شارشى مەتردەن استام تۇرعىن ءۇي سالىپ, 3 500-دەن استام وتباسىنى باسپانامەن قامتىعان كومپانيا ساپا مەن سەنىمدىلىكتى باستى قاعيدا ەتىپ كەلەدى.
«Dauletti qalashyq» — تەك كوپقاباتتى ۇيلەر جيىنتىعى عانا ەمەس, ۇلتتىق قۇندىلىقتاردى ۇلىقتاۋعا ارنالعان رۋحاني-مادەني جوبا. مۇنداعى ءاربىر ءۇيدىڭ اتاۋى بەلگىلى ءبىر ماعىنانى بىلدىرەدى. ماسەلەن, Bilim 2 تۇرعىن ءۇيى — ءبىلىم مەن دانالىقتى دارىپتەۋگە ارنالعان. اتالعان كەشەننىڭ ماڭىندا مەكتەپتەر مەن بالاباقشالار شوعىرلانعان. سونداي-اق بۇل اۋداندى بولاشاقتا LRT جەلىسىمەن بايلانىساتىن «جىبەك جولى» ساۋدا ورتالىعى دا ورنالاسقان.
اشىقتىق پەن ايقىندىق — باستى ۇستانىم
وتباسى بانك پەن GBG كومپانياسى باعدارلاما قاتىسۋشىلارى مەن باق وكىلدەرىنە ارنايى ءباسپاسوز تۋرىن ۇيىمداستىرىپ, پاتەرلەردى كوزبەن كورۋ مۇمكىندىگىن ۇسىندى. تۋر اياسىندا Bilim تۇرعىن ءۇيى كورسەتىلىپ, ءار شارشى مەتر ءۇشىن 30 000 تەڭگە كولەمىندە جەڭىلدىك جاريالاندى. سونىمەن قاتار, 100 000 تەڭگەدەن 500 000 تەڭگەگە دەيىنگى ارنايى لوتەرەيالىق جەڭىلدىكتەر ۇسىنىلدى.
ء«بىز بۇگىن «ناۋرىز» باعدارلاماسىنا قاتىسۋشىلار ءۇشىن ارنايى ەكسكۋرسيا ۇيىمداستىرىپ وتىرمىز. Bilim اتتى بيزنەس-كلاسس ساناتىنداعى تۇرعىن ءۇي كەشەنىن كورسەتىپ, تۇرعىندارعا اۋدان ينفراقۇرىلىمىمەن دە تانىسۋعا مۇمكىندىك بەردىك. سارايشىقتا مەكتەپ پەن بالاباقشا جەتكىلىكتى, قوعامدىق كولىك پەن ساۋدا ورتالىقتارى دا جاقىن ورنالاسقان. تۋر بارىسىندا ءبىز VR-كوزىلدىرىك ارقىلى پاتەردىڭ سوڭعى ارلەۋدەن كەيىنگى كورىنىسىن دە كورسەتتىك. ايتا كەتەرلىك جايت – GBG جوبالارىندا كجك (قۇرىلىستى جۇزەگە اسىرۋ كەپىلدىگى) جۇيەسى قاراستىرىلعان, بۇل سالىمشىلاردىڭ قاراجاتىنىڭ مەملەكەت تاراپىنان قورعالاتىنىن جانە پاتەردى قۇرىلىس كەزىندە ساتىپ الۋعا بولاتىنىن بىلدىرەدى», دەدى كومپانيا ماركەتولوگى ۇلان داۋلەتقالي.
پاتەر راسىمدەۋ بۇرىنعىدان دا ىڭعايلى
ءباسپاسوز تۋرىنىڭ سوڭىندا قاتىسۋشىلار كومپانيانىڭ ساتۋ كەڭسەسىندە بولىپ, پاتەر تاڭداۋ مەن يپوتەكالىق نەسيەنى راسىمدەۋ ۇدەرىسىن كوردى. ەندى وتباسى بانكى وكىلدەرى قۇرىلىس كومپانياسىنىڭ كەڭسەسىندە تىكەلەي قىزمەت كورسەتەدى. بۇل – ازاماتتاردىڭ بانككە بارىپ اۋرە بولماي, بارلىق ءراسىمدى ءبىر جەردەن شەشۋىنە جول اشادى.
باعدارلاما اياسىندا ۇسىنىلىپ وتىرعان پاتەرلەر باستاپقى جانە تازا ارلەۋدە بەرىلەدى. بۇل – جاڭا قونىس يەلەرىنە ءوز تالعامىنا ساي ينتەرەر جاساۋعا مۇمكىندىك بەرەدى.
سونداي-اق قاتىسۋشىلار Baqyt تۇرعىن ءۇي كەشەنىنىڭ قۇرىلىس بارىسىمەن تانىستى. قولدانىلعان ماتەريالدىڭ ساپاسى, نىساننىڭ اشىق تۇردە كورسەتىلۋى مەن ناقتى قۇرىلىستىق جوسپار – GBG-ءدىڭ جاۋاپتى قۇرىلىسشى ەكەنىن كورسەتەدى.
ال Bailyq تۇرعىن ءۇي كەشەنى – ۇلتتىق ناقىش پەن زاماناۋي ارحيتەكتۋرانى ۇيلەستىرە بىلگەن, مادەني مازمۇنى تەرەڭ, ءومىر سۇرۋگە ىڭعايلى تۇرعىن ءۇي جوباسى.
باعدارلاماعا قاتىسىپ, پاتەر ىزدەپ جۇرگەن قاتىسۋشىلاردىڭ ءبىرى ءوز پىكىرىمەن ءبولىستى:
«بۇل باعدارلاماداعى ەڭ باستى ارتىقشىلىق – تومەن پايىزدىق مولشەرلەمە مەن قولجەتىمدى باستاپقى جارنا. جاس وتباسىمىز ءۇشىن بۇل – ۇلكەن مۇمكىندىك. ءبىز الدىن الا دايىندالىپ, وتباسى بانكىندە دەپوزيت اشىپ, اقشا جينادىق. قازىر باعدارلاماعا قاتىسۋشى رەتىندە تىركەلدىك, ەندى وزىمىزگە لايىق باسپانانى ىزدەپ ءجۇرمىز, دەدى بولاشاق پاتەر يەسى.
ءيا, قازىر باسپانا — جاي عانا تۇرعىن ءۇي ەمەس, ول — تۇراقتىلىق پەن بولاشاققا دەگەن سەنىم. «ناۋرىز» باعدارلاماسى مەن Grand Building Group كومپانياسىنىڭ باستامالارى — وسى سەنىمدى جولعا اپارار ناقتى مۇمكىندىك. اشىقتىق, ساپا, قولجەتىمدىلىك — قازىرگى تاڭدا ءوز ءۇيىم بولسىن دەگەن ءاربىر ازاماتتىڭ ارمانىنا جەتۋىنە جول اشىپ وتىر.
