فوتو: ۆيدەوسكرين
اتالعان تاپسىرمانىڭ ورىندالۋ ماسەلەسىن ۇكىمەت وتىرىسىندا پرەمەر-مينيستر ولجاس بەكتەنوۆ كوتەرىپ, قانداي جۇمىستار اتقارىلىپ جاتقانى تۋرالى سۇرادى.
ۇكىمەتتىڭ ءباسپاسوز قىزمەتىنىڭ مالىمدەۋىنشە, وقۋ-اعارتۋ ءمينيسترى عاني بەيسەمباەۆ باعدارلامانى ساپالى دايىنداۋ ءۇشىن ءتيىستى مەملەكەتتىك ورگاندارمەن, ساراپشىلارمەن, سونداي-اق ۇكىمەتتىك ەمەس سەكتور وكىلدەرىمەن بىرلەسىپ ارنايى جۇمىس توبى قۇرىلعانىن تىلگە تيەك ەتتى.
«بۇگىندە جۇمىس توبىنا كوپتەگەن ۇسىنىستار مەن پىكىرلەر كەلىپ ءتۇسىپ جاتىر. ولاردىڭ نەگىزىندە قولجەتىمدى ءبىلىم بەرۋ, دەنساۋلىق ساقتاۋ جانە قاۋىپسىزدىككە قاتىستى باعدارلامانىڭ 7 نەگىزگى باعىتى ايقىندالدى. بۇل باعىتتا جۇمىس جالعاسىپ جاتىر. وقۋ جىلى باستالعانعا دەيىن باعدارلاما دايىندالادى», دەدى مينيستر.
