Eurasian Resources Group (ERG) — تابيعي رەسۋرستاردى ءوندىرۋ مەن وڭدەۋ, ەنەرگەتيكا جانە لوگيستيكا سالالارىن بىرىكتىرگەن الەمدەگى اسا ءىرى ءارى ارتاراپتاندىرىلعان كومپانيالاردىڭ ءبىرى.
فورۋم كورپوراتيۆتىك وقىتۋدىڭ زاماناۋي ۇلگىلەرى مەن يننوۆاتسيالىق تاسىلدەرىن ورتاعا سالىپ, كوشباسشىلىقتى دامىتۋ مەن كادرلىق الەۋەتتى نىعايتۋ جولدارىن سارالاۋدى كوزدەگەن. وسى ماقساتتا حالىقارالىق تاجىريبەلەر مەن ۇتىمدى ادىستەر تانىستىرىلىپ, كاسىبي دامۋدىڭ زاماناۋي ترەندتەرى كەڭىنەن تالقىلاندى.
جيىننىڭ نەگىزگى سپيكەرلەرىنىڭ ءبىرى – EFMD كورپوراتيۆتىك سەرۆيستەرىنىڭ ديرەكتورى, دوكتور مارتين مەرلە. ول EFMD-ءنىڭ جاھاندىق جەلىسى تۋرالى ايتا كەلىپ, ERG-ءدىڭ باستاماسى قازاقستاندا عانا ەمەس, بۇكىل ورتالىق ازيا اۋماعىندا كورپوراتيۆتىك وقىتۋدى جاڭا ساپاعا كوتەرۋگە مۇمكىندىك بەرەتىنىن ايتتى. ء«بىز EFMD قاۋىمداستىعىندا كورپوراتيۆتىك وقىتۋدى دامىتۋ ارقىلى كومپانيالاردىڭ تيىمدىلىگىن ارتتىرا الاتىنىمىزدى سان مارتە دالەلدەدىك. ERG-ءدىڭ بۇل باستاماسى – ايماق ءۇشىن ماڭىزدى سەرپىلىس», دەدى دوكتور مەرلە.
فورۋمدا ءسوز العان ERG كورپوراتيۆتىك ۋنيۆەرسيتەتىنىڭ ديرەكتورى ۆالەنتينا ساتاروۆا بىلىمگە سالىنعان ينۆەستيتسيانىڭ ماڭىزىن ايشىقتادى: «كورپوراتيۆتىك وقىتۋ – كاسىپتىڭ سەنىمدى سەرىكتەسى. ءبىز ERG-دە حالىقارالىق ستاندارتتارعا سۇيەنە وتىرىپ, ادامي كاپيتالعا تۇراقتى تۇردە قارجى قۇيىپ كەلەمىز. ءبىزدىڭ جول – دامۋ جولى», دەدى ول سەنىممەن.
اتالعان كومپانيانىڭ قازاقستانداعى باس ديرەكتورى سەرىك شاحاجانوۆ تا كورپوراتيۆتىك ۋنيۆەرسيتەتتىڭ ستراتەگيالىق ءمانىن ەرەكشە اتادى: «سوڭعى ەكى جىلدا 54 مىڭنان استام قىزمەتكەرىمىز وقۋدان ءوتتى. سيمۋلياتورلار مەن VR, ۇزدىك حالىقارالىق پلاتفورمالار ەندىرىلدى. EFMD-دەن العان ەكى بىردەي ماراپات – ءبىزدىڭ ۇجىمدىق ەڭبەگىمىزدىڭ ناتيجەسى», دەدى.
ERG ەلىمىزدە العاش بولىپ كورپوراتيۆتىك وقىتۋ ورتالىعىن وزگە كومپانيالار ءۇشىن دە قولجەتىمدى ەتتى. توپتىڭ باستاماسىمەن بۇگىندە التى تكم كاسىپورنىندا زەرتتەۋ جۇرگىزىلىپ, ورتاق ساراپتاما مەن بەنچمارك بازاسى قالىپتاسىپ جاتىر. 2025 جىلدان باستاپ بۇل ءۇردىس كەڭەيىپ, كاسىبي قاۋىمداستىق قولداۋىمەن اۋقىمدى جوباعا اينالماق.
ERG ەلىمىزدە العاشقىلاردىڭ ءبىرى بولىپ كورپوراتيۆتىك وقىتۋ ورتالىعىن وزگە كومپانيالارعا دا اشىق ۇسىندى. توپ باستاماسىمەن قازىردىڭ وزىندە التى تاۋ-كەن مەتاللۋرگيا كاسىپورنىندا زەرتتەۋ جۇرگىزىلىپ, ورتاق تالداۋ مەن سالىستىرمالى باعالاۋ بازاسى قالىپتاسىپ كەلەدى. 2025 جىلدان باستاپ بۇل ءۇردىس كاسىبي قاۋىمداستىقتىڭ قولداۋىنا يە بولىپ, اۋقىمدى سالالىق جوباعا اينالماق.
