فوتو: اشىق دەرەككوز
جوسپارعا سايكەس, 2049 جىلعا دەيىن بۇل ايماققا تارتىلاتىن ينۆەستيتسيا كولەمى 150 ملرد تەڭگەگە, ونىڭ ىشىندە شەتەلدىك كاپيتال 80 ملرد تەڭگەگە دەيىن جەتەدى. وندىرىلەتىن تاۋارلار مەن كورسەتىلەتىن قىزمەتتەردىڭ جيىنتىق كولەمى 500 ملرد تەڭگە دەڭگەيىندە بولادى دەپ بولجانىپ وتىر. سونىمەن قاتار, قازاقستاندىق قامتۋ ۇلەسى 90%-عا دەيىن ارتادى.
«ارنايى ەكونوميكالىق ايماق اۋماعىندا زاماناۋي ونىمدىلىگى جوعارى, باسەكەگە قابىلەتتى وندىرىستەردى جەدەل دامىتۋ, قىزمەت كورسەتۋدىڭ ساپالى جاڭا دەڭگەيىن قالىپتاستىرۋ, ينۆەستيتسيا تارتۋ, ەكونوميكا سالاسىندا جاڭا تەحنولوگيالار ەنگىزۋ, سونداي-اق حالىقتى جۇمىسپەن قامتۋدى ارتتىرۋ ءۇشىن مۇمكىندىكتەر جاساۋ جوسپارلانۋدا. اەا-نىڭ «باتىس ەۋروپا – باتىس قىتاي» حالىقارالىق كولىك دالىزىنە جاقىندىعى قازاقستان مەن ورتالىق ازيا نارىقتارىندا ءونىمدى ءتيىمدى وتكىزۋگە مۇمكىندىك بەرەدى. 25 جىل ىشىندە اەا كاسىپورىندارىندا 3 366 جاڭا جۇمىس ورنىن اشۋ كوزدەلگەن, قاتىسۋشى كومپانيالاردىڭ سانى 39-عا جەتكىزىلەدى», دەپ حابارلادى ۇكىمەتتىڭ ءباسپاسوز قىزمەتى.
سونىمەن قاتار 25 جىل ىشىندە اەا كاسىپورىندارىندا 3 366 جاڭا جۇمىس ورنىن اشۋ كوزدەلگەن, قاتىسۋشى كومپانيالاردىڭ سانى 39-عا جەتكىزىلەدى. سونداي-اق مۋلتيمودالدى اۋە حابتارىن دامىتۋ اياسىندا «وڭتۇستىك», «استانا – تەحنوپوليس», «سارىارقا», «Alatau» جانە «اقتوبە» ارنايى ەكونوميكالىق ايماقتارىنا پورت ايماعى مارتەبەسى بەرىلگەن.
