وبلىستىق تسيفرلاندىرۋ جانە ارحيۆ باسقارماسىنىڭ باسشىسى كەلتىرگەن دەرەككە سەنسەك, وڭىردە 59 اۋىل 3 G ينتەرنەتىمەن قامتاماسىز ەتىلگەن. سونىمەن قاتار 251 اۋىل 4G ينتەرنەتىمەن قامتىلعان. 189 ەلدى مەكەندە تالشىقتى وپتيكالىق بايلانىس جەلىسى ورناتىلعان.
«وسى جىلى «كار-تەل» (Beeline) جشس 13 بازالىق ستانتسيا ورناتۋدى جانە قولدانىستاعى 8-ءىن جاڭعىرتۋدى قولعا الماق. «موبايل تەلەكوم-سەرۆيس» (Tele2) جشس 47 بازالىق ستانتسيا, «كسەلل» (Activ) اق – 12 ستانتسيا ورناتۋعا بەل بۋىپ وتىر. ءموبيلدى بايلانىس ءۇشىن رەسپۋبليكالىق جانە نەگىزگى وبلىستىق اۆتوموبيل جولدارىندا 12 انتەننا-دىڭگەك قۇرىلعىلارىن ورناتۋ كوزدەلگەن. قازىرگى تاڭدا 6 ادق-نىڭ (ت.رىسقۇلوۆ, جۋالى, قورداي اۋداندارىندا) جوبالىق-سمەتالىق قۇجاتتاماسىنىڭ مەملەكەتتىك ساراپتاماسى الىندى.
«موبايل تەلەكوم-سەرۆيس» (تەلە2) جشس تاراز قالاسىندا 5G تەحنولوگياسىن دامىتۋ بويىنشا 32 بازالىق ستانتسيانى ىسكە قوستى. بيىل جوعارى جىلدامدىقتى (4G) ءموبيلدى بايلانىسىمەن 28 ەلدى مەكەندى قامتۋ جوسپارلانعان. ءموبيلدى وپەراتورلار جەكە قاراجاتى ەسەبىنەن 5 ەلدى مەكەندە (جامبىل, قورداي, شۋ اۋداندارى) ءموبيلدى بايلانىس ساپاسىن جاقسارتتى.
قالعان 23 ەلدى مەكەن بويىنشا سالالىق ۆەدومستۆو ءموبيلدى بايلانىس وپەراتورلارى وكىلدەرىمەن زەردەلەۋ جۇمىستارىن جۇرگىزىپ, انتەننا-دىڭگەك قۇرىلىسى سالىنۋى ءتيىس جەرلەردى كەلىسىپ, اۋدان اكىمدىكتەرىنە ۇسىندى», دەيدى جاۋاپتى باسقارما باسشىسى.
جامبىل وبلىسى
