قانسورعىشتارعا قارسى وزەن ۇستىندەگى ۋلاۋ شارالارى بيىل جىلداعىدان ەرتەرەك باستالدى. سەبەبى ەرتىس جايىلمالارىنىڭ 90% -عا جۋىعىن سۋ باسقان. سايكەسىنشە, دەزينسەكتسيانىڭ العاشقى كەزەڭى جۇرگىزىلدى.
-العاشقى كەزەڭدە 10 كۇن بويى پرەپاراتتار جىبەرىلەدى. كەشە 6 نۇكتەدە جۇمىس جۇرگىزىلسە, بۇگىن قالعاندارىندا دەزينسەكتسيالاۋ جاسالدى. اتالعان جۇمىستارعا 10 توننا سۋسپەنزيا پايدالانىلدى. بيولوگيالىق پرەپارات بارجالاردان سۋعا توگىلەدى, - دەيدى پاۆلودار وبلىسى جەر قويناۋىن پايدالانۋ, قورشاعان ورتا جانە سۋ رەسۋرستارى باسقارماسى باسشىسىنىڭ ورىنباسارى ديار قايىركەنوۆ.
وزەندەگى دەرناسىلدەردى وڭدەۋگە «باكتيتسيد» بيولوگيالىق پرەپاراتى قولدانىلادى. عىلىمي توپ وكىلدەرى ونىڭ ءتيىمدى ەكەنىن ايتادى. دەزينسەكتسيا ەرتىس وزەنى جازعى ارناسىنا تۇسكەنگە دەيىن جالعاسادى. سۋ جايىلمادان تولىعىمەن شىققاننان كەيىن ماماندار وڭدەۋدىڭ باسقا تۇرلەرىنە كوشەدى.
