سۋرەت: gov.kz
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, وتباسىنىڭ تسيفرلىق كارتاسى مەملەكەتتىك ورگانداردىڭ قولدانىستاعى بارلىق اقپاراتتىق جۇيەلەرىندەگى دەرەكتەر نەگىزىندە قالىپتاسادى. بۇگىندە وندا ەلىمىزدىڭ 20 ملن ازاماتى نەمەسە 6,2 ملن-نان استام وتباسى تۋرالى مالىمەت ساقتالعان.
وتسك ەنگىزۋدىڭ باستى ماقساتى – ازاماتتاردىڭ مەملەكەتتىك قولداۋ جۇيەسىنە تەڭ قولجەتىمدىلىگىن قامتاماسىز ەتۋ. وسىعان بايلانىستى الەۋمەتتىك كودەكسىندە وتباسىنىڭ تسيفرلىق كارتاسى الەۋمەتتىك ساياساتتىڭ ورتا جانە ۇزاقمەرزىمدى مىندەتتەرى مەن باعىتتارىن ايقىنداۋ قۇرالى رەتىندە بەلگىلەنگەن. سونداي-اق وتسك ازاماتتاردىڭ الەۋمەتتىك مارتەبەسىنە بايلانىستى كەپىلدەندىرىلگەن مەملەكەتتىك قولداۋدىڭ كەز كەلگەن ءتۇرىن الۋعا قۇقىلى ەكەندىگى تۋرالى كۇندەلىكتى «ەلەكتروندىق حابارلاما» دا سانالادى.
مەملەكەتتىك قولداۋ شارالارىن الۋعا قۇقىق بەلگىلەنگەن كەزدە ءار ازاماتقا 1414 بىرىڭعاي بايلانىس ورتالىعىنان SMS-حابارلاما جىبەرىلەدى. حابارلاما العان ازامات وعان كەلىسىمى تۋرالى جاۋاپ بەرۋى كەرەك. ءوتىنىشتى رەسىمدەۋ, الەۋمەتتىك جاردەماقى نەمەسە تولەم تاعايىنداۋ اۆتوماتتى رەجىمدە جۇرگىزىلەدى, سودان كەيىن اقشا قاراجاتى الۋشىنىڭ بانك شوتىنا اۋدارىلادى.
الاياقتىق تاۋەكەلىن بولدىرماۋ ماقساتىندا 1414 بىرىڭعاي بايلانىس ورتالىعىنان كەلىپ تۇسكەن SMS-كە جاۋاپ بەرۋ قاجەت. قاندايدا ءبىر سۇراق تۋىنداسا, وسى بايلانىس ورتالىعىنا حابارلاسۋعا بولادى.
