فوتو: اشىق دەرەككوز
ەربولات قۋانىشوۆ 13 جىل بويى اسىقتان كوللەكتسيا جيناعان. قازىر ونىڭ ءۇيىنىڭ جانىنداعى شەبەرحانا-سارايى شاعىن كورمەگە اينالعان. ايتا كەتەيىك, مۇندا كەلۋشىلەرگە ارنايى ەكسكۋرسيا ۇيىمداستىرىلادى.
«مەن بۇل اسىقتاردى ون ەكى جىل بويى ءوز شەبەرحانامدا جينادىم. ەندى وسى باستامامدى كەڭەيتىپ, الەمدىك دەڭگەيگە شىعارعىم كەلەدى. قازىر گيننەستىڭ رەكوردتار كىتابىنا ءوتىنىش بەردىك, ءۇش اي ىشىندە جاۋاپ كەلەدى. ەگەر رەكورد ورناساق, وبلىس ورتالىعىندا اسىقتاردان ءمۇسىن جاساپ شىعارۋ جوسپاردا بار. بۇل نە ۇلكەن اسىق, نە سيىردىڭ ءپىشىنى بولۋى مۇمكىن. مۇنداي دۇنيە الەمدە بۇرىن-سوڭدى بولماعان», دەدى ەربولات قۋانىشوۆ.
اقتوبەلىك تۇرعىننىڭ كوللەكتسياسىندا تەك توپاي اسىقتار ەمەس, سونىمەن قاتار سيرەك كەزدەسەتىن, تەگى بەلگىلى قوي اسىقتارى, سونداي-اق جاۋىرىن, ومىرتقا, قابىرعا مەن مۇيىزدەن جاسالعان شامدار دا بار.
