فوتو: تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى
تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ حابارلاۋىنشا, ىرىكتەۋ ناتيجەسىندە 58 قاتىسۋشى باعدارلاماعا وتكەن. ولاردىڭ ورتاشا جاسى – 33. قاتىسۋشىلار قاتارىندا تەحنولوگيا مەن بيزنەس سالاسىندا مول تاجىريبەسى بار ماماندار بار. اراسىندا تاجىريبەلى كاسىپكەرلەر, كورپوراتيۆتىك سەكتور قىزمەتكەرلەرى, فريلانسەرلەر, سونداي-اق حالىقارالىق كومپانيالار مەن ءىرى تەحنولوگيالىق جوبالاردا جۇمىس ىستەگەن ماماندار دا كەزدەسەدى.
باعدارلاما اياسىندا قاتىسۋشىلار ءوز ستارتاپ يدەيالارىن ناقتى AI-ونىمدەرگە اينالدىرۋعا مۇمكىندىك الادى. بۇل رەتتە, AI’preneurs قاتىسۋشىلارى دەرەكتەر جيىنتىقتارى, ەسەپتەۋ رەسۋرستارى, سونداي-اق SAFE كەلىسىمى شەڭبەرىندەگى باستاپقى ينۆەستيتسيالار سياقتى ماڭىزدى رەسۋرستارمەن قامتاماسىز ەتىلەدى.
قازاقستان رەسپۋبليكاسىنىڭ تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ بۇل باستامانىڭ ۇلتتىق دەڭگەيدەگى ماڭىزىن اتاپ ءوتتى.
«AI’preneurs – جاي عانا اكسەلەراتور ەمەس, بۇل – ەرتەڭگى كۇننىڭ ءمانى مەن تەحنولوگياسىن جاسايتىن ادامدارعا جاسالعان ينۆەستيتسيا. بۇگىندە جاساندى ينتەللەكت اينالاسىنداعى ەكوجۇيە تەز دامىپ كەلەدى. ءبىز, مەملەكەت رەتىندە, مىقتى كوماندالار مەن تالانتتارعا دامۋ ءۇشىن ناقتى الاڭ ۇسىنۋىمىز كەرەك. وسى رەتتە, قاتىسۋشىلار ءوز يدەيالارىن ناقتى AI-ونىمدەرگە اينالدىرۋ ءۇشىن جان-جاقتى قولداۋعا يە بولادى. ءبىز ولاردى دەرەكتەر جيىنتىقتارى مەن ەسەپتەۋ قۋاتتىلىعىنان باستاپ, SAFE كەلىسىمى اياسىنداعى باستاپقى ينۆەستيتسيالارعا دەيىن ماڭىزدى رەسۋرستارمەن قامتاماسىز ەتەمىز. بۇل باستامالار – مەملەكەت باسشىسى قويعان ستراتەگيالىق ماقساتتارعا قول جەتكىزۋ جولىنداعى ماڭىزدى قادام. اتاپ ايتقاندا, 2030 جىلعا قاراي 10 مىڭ AI-مامان دايارلاۋ, 5 تەحنولوگيالىق «يۋنيكورن» شىعارۋ جانە جىل سايىنعى IT-قىزمەتتەر ەكسپورتىن $5 ميلليارد جەتكىزۋ كوزدەلدى», دەدى مينيستر جاسلان ماديەۆ.
AI’preneurs باعدارلاماسى وففلاين فورماتتا استانادا وتەدى. باسقا قالالار مەن ەلدەردەن كەلگەن قاتىسۋشىلار ءۇشىن باعدارلاما كەزەڭىندە تەگىن تۇرعىن ءۇي قاراستىرىلعان. ءۇش ايلىق وقىتۋ كەزەڭى بارىسىندا قاتىسۋشىلارعا ءبىلىم بەرۋ ءىس-شارالارى, سالالىق ساراپشىلارمەن جەكە كەڭەستەر, ينتەنسيۆتى پراكتيكالىق جۇمىس ۇسىنىلادى.
بۇل باعدارلاما جاساندى ينتەللەكت سالاسىن دامىتۋعا باعىتتالعان ۇلتتىق باستاما اياسىندا جۇزەگە اسىرىلىپ وتىر. ونىڭ ماقساتى – AI تەحنولوگيالارىن قولداناتىن كاسىپكەرلەردىڭ مىقتى ەكوجۇيەسىن قالىپتاستىرۋ.
ايتا كەتۋ كەرەك, AI’preneurs باعدارلاماسىنىڭ ءبىرىنشى لەگى دە جوعارى قىزىعۋشىلىق تۋدىرعان بولاتىن. بىلتىر 250 ءوتىنىمنىڭ ىشىنەن 50 مامان ىرىكتەلىپ, 21 كوماندا قۇرىلعان. سونىڭ ىشىندە 9 كوماندا اكسەلەراتسيانى ءساتتى اياقتاپ, Seed Money اياسىندا قارجىلاندىرۋ العان.
