قاراعاندى وبلىسىنىڭ پوليتسيا دەپارتامەنتى بولعان وقيعاعا وراي تۇسىنىكتەمە بەردى. ۆەدومستۆو اۋىل اكىمىنە قاتىستى زورلاۋعا وقتالۋ دەرەگى بويىنشا قىلمىستىق ءىس قوزعالعانىن مالىمدەدى.
– شەت اۋدانىنىڭ 23 جاستاعى تۇرعىنىنىڭ ارىزى نەگىزىندە قىلمىستىق ءىس قوزعالدى. سول كۇنى-اق كۇدىكتىنى پوليتسيا ۇستاپ, ۋاقىتشا ۇستاۋ يزولياتورىنا قامادى. سوت سانكتسياسىمەن وعان ۇيقاماق تۇرىندەگى بۇلتارتپاۋ شاراسى تاڭدالعان. قاداعالاۋشى ورگان سوت القاسىنا جەكە اپەللياتسيالىق ءوتىنىش ءبىلدىردى. قاراۋ ناتيجەسىندە ءوتىنىش قاناعاتتاندىرىلىپ, كۇدىكتى قاماۋعا الىناتىن بولدى. قازىر تەرگەۋ امالدارى جۇرگىزىلىپ جاتىر. تەرگەۋ مۇددەسىنە بايلانىستى وزگە اقپارات جاريالانبايدى, – دەلىنگەن حابارلامادا.
وبلىس اكىمدىگىنىڭ مالىمەتىنشە, نۇرلان سەيىلبەكوۆ قازىرگى ۋاقىتتا قىزمەتىنەن بوساتىلعان.
– قىلمىستىق ءىس قوزعالعان ساتتە ول اۋىل اكىمى قىزمەتىن اتقارماعان, – دەيدى وبلىس اكىمدىگىنىڭ ءباسپاسوز قىزمەتى.
