- كوشەدە كەلە جاتىپ, دومبىرا ءۇنىن ەستىدىم! مۇندايدى تۇسىمدە كورسەم دە سەنبەس ەدىم, – دەيدى ۆيدەو اۆتورى.
كەيىن ول جاپون دومبىراشىسىنا جاقىنداپ, ونىڭ بۇل اسپاپتى قايدان ۇيرەنگەنىن سۇرايدى. مۋزىكانتتىڭ ايتۋىنشا, ول دومبىرامەن العاش رەت ىستامبۇلدا تانىسقان.
مەن ىستامبۇلدا ءبىر قازاقپەن تانىستىم, سول كىسى دومبىرا تارتۋدى ۇيرەتتى. كەيىن الماتىداعى قۇرمانعازى اتىنداعى كونسەرۆاتوريادا وقىعان تۇرىسبەك مىرزامەن تانىسىپ, شەبەرلىگىمدى شىڭدادىم. ودان ءارى ءوز بەتىممەن نوتا ارقىلى ۇيرەندىم, – دەپ جاۋاپ بەردى ول.
سونداي-ول دومبىراشى سەكەن تۇرىسبەكپەن كەزدەسكەنىن دە اتاپ ءوتتى. اڭگىمە بارىسىندا ول «اداي» كۇيىن ورىندادى.
