قر ساۋدا جانە ينتەگراتسيا مينيسترلىگىندە مۇددەلى مەملەكەتتىك ورگاندار جانە اكىمدىكتەرمەن بىرلەسىپ الەۋمەتتىك ماڭىزى بار ازىق-ت ۇلىك تاۋارلارىنىڭ باعاسى جانە باعانىڭ ءوسىمىن تەجەۋ بويىنشا قابىلدانىپ جاتقان شارالار تالقىلاندى.
ۇلتتىق ستاتيستيكا بيۋروسىنىڭ اقپاراتى بويىنشا, 2025 جىلدىڭ 22-29 ءساۋىر ارالىعىندا ءامات باعاسىنىڭ يندەكسى 0,3% - عا ءوستى, ال ءبىر اپتا بۇرىن ءوسىم 0,4% -. قۇرادى. ەسەپتى اپتادا ءونىمنىڭ جەكەلەگەن تۇرلەرىنە باعانىڭ تومەندەۋى تىركەلدى: جۇمىرتقا 0,5%, سۇزبە 0,2%, سارى ماي, سيىر ەتى, تاۋىق ەتى, ءسۇت 0,1% ارزاندادى.
ۇن, نان, روجكي جانە كۇرىش باعاسى تۇراقتى.
ساۋدا جانە ينتەگراتسيا مينيسترلىگىنىڭ ءباسپاسوز قىزمەتى مالىمدەگەندەي, جيىندا سيىر ەتىنىڭ باعاسى جەكە تالقىلاندى. باعانىڭ ءوسۋ قارقىنىن ءبىر اپتادا 0,3% - دان 0,1% - عا دەيىن تومەندەتۋ شارالارى ايتىلدى. اتاپ ايتار بولساق ءىرى قارا مالدى ەلدەن شىعارۋعا ەنگىزىلگەن ءۇش ايلىق تىيىم مەن دەلدالسىز اۋىل شارۋاشىلىعى جارمەڭكەلەرىن كۇندەلىكتى وتكىزۋ جۇمىستارى پىسىقتالدى.
ازىق-ت ۇلىك نارىعىنداعى جاعدايدى ودان ءارى تۇراقتاندىرۋ ماقساتىندا شەكاراداعى باقىلاۋدى كۇشەيتۋ, اۋىل شارۋاشىلىعى ونىمدەرىن رۇقساتسىز اكەتۋگە جول بەرمەۋ, سونداي-اق وڭىرلەردەگى جارمەڭكەلەر جەلىسىن كەڭەيتۋ ماسەلەلەرى دە تالقىلاندى. ساۋدا الاڭدارىنىڭ سانىن ۇلعايتۋ, ولاردى جىلجىمالى ۆەتەريناريالىق زەرتحانالاردى قوسا العاندا, قاجەتتى ينفراقۇرىلىممەن قامتاماسىز ەتۋ جانە دەلدالداردىڭ قاتىسۋىنسىز جەرگىلىكتى تاۋار وندىرۋشىلەردى بەلسەندى تارتۋ بويىنشا ۇسىنىستار قارالدى. كەڭەستە وسىنداي جارمەڭكەلەر شەڭبەرىندە حالىق ءۇشىن ءونىمنىڭ باعالىق قولجەتىمدىلىگىن قامتاماسىز ەتۋ ماسەلەلەرىنە ەرەكشە نازار اۋدارىلدى.
اكىمدىكتەردىڭ وتىنىمدەرى شەڭبەرىندە ىشكى نارىقتى تولىقتىرۋ ءۇشىن يمپورتتىق كوكونىستەردى جەتكىزۋ مۇمكىندىكتەرى قوسىمشا تالقىلاندى. وسى ماقساتتار ءۇشىن جەدەلدەتىپ رەسىمدەۋ جانە وسىنداي جۇكتەردىڭ ءوتۋى ءۇشىن "جاسىل ءدالىزدىڭ" جۇمىس ىستەۋى قامتاماسىز ەتىلەتىن بولادى.
