بۇل تۋرالى Qazaqstan Barysy Grand Slam ءتۋرنيرى قارساڭىندا وتكەن ءباسپاسوز كونفەرەنتسياسىندا ۇيىمنىڭ رەفەري-ديرەكتورى ارمەن باگداساروۆ مالىمدەدى.
— ەلدوس سمەتوۆ — كورنەكتى سپورتشى. وليمپيادا چەمپيونى, ويىنداردىڭ جۇلدەگەرى, الەم چەمپيونى. ءبىز ونى ءوز كوماندامىزدىڭ قاتارىنان كورسەك قۋانار ەدىك. ماسەلە مىنادا, وكىنىشكە قاراي, كوپ چەمپيوندار فەدەراتسيادا جۇمىس ىستەگىسى كەلمەيدى. بىراق ەگەر ول قىزىعۋشىلىق تانىتىپ, اعىلشىن ءتىلىن مەڭگەرسە — بىردەن جاۋاپتى لاۋازىمداردان باستايمىز. مۇنداي ادامدارعا ءبىز ءاردايىم اشىقپىز, — دەدى باگداساروۆ قازاقستان دزيۋدو فەدەراتسياسىنىڭ ءباسپاسوز قىزمەتىنە بەرگەن سۇحباتىندا.
ەلدوس سمەتوۆ 2024 جىلعى پاريج وليمپياداسىنان كەيىن سپورتتاعى مانسابىن اياقتادى. قازىر ول ۇلىبريتانيادا, اعىلشىن ءتىلىن بەلسەندى مەڭگەرىپ ءجۇر. بۇل قادام ونىڭ حالىقارالىق سپورت ۇيىمدارىنداعى قىزمەتكە اۋىسۋىنداعى ماڭىزدى كەزەڭ بولۋى مۇمكىن.
سمەتوۆ — قازاقستان تاريحىنداعى ەڭ اتاقتى دزيۋدوشىلاردىڭ ءبىرى: وليمپيادا چەمپيونى, وليمپيادا ويىندارىنىڭ كۇمىس جانە قولا جۇلدەگەرى, الەم جانە ازيا چەمپيونى.
