پاۆلودار قالاسىنىڭ كەنجەكول اۋىلى تۇرعىندارى سۋمەن جابدىقتاۋ جۇيەسىنە قوسىلعان كەزدەگى ەسەپتەۋلەردىڭ زاڭدىلىعىن انىقتاۋ بەرۋدى سۇراپ, قر ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ پاۆلودار وبلىسى بويىنشا دەپارتامەنتىنە جۇگىنگەن. وعان سايكەس مەكەمە «پاۆلودار-ۆودوكانال» جشس-ءنىڭ قىزمەتىنە جوسپاردان تىس تەكسەرۋ جۇرگىزگەن.
- تەكسەرۋ ناتيجەسىندە «تابيعي مونوپوليالار تۋرالى» زاڭنىڭ 24-بابى 10-تارماعىنىڭ 3)- تارماقشاسىنىڭ بۇزىلۋى, اتاپ ايتقاندا, سۋ قۇبىرىنىڭ سىرتقى جەلىلەرىنە تەحنيكالىق قىزمەت كورسەتۋگە اقى تولەۋ تۇرىندە قوسىمشا تالاپتار قويىپ, ولاردى ناقتى ورىنداماي, تۇتىنۋشىلاردىڭ رەتتەلىپ كورسەتىلەتىن سۋمەن جابدىقتاۋ قىزمەتىنە قول جەتكىزۋىن شەكتەۋ انىقتالدى. «پاۆلودار-ۆودوكانال» جشس-نە قر «اكىمشىلىك قۇقىق بۇزۋشىلىق تۋرالى» كودەكسىنىڭ 164-بابىنىڭ 5-بولىگى بويىنشا اكىمشىلىك ايىپپۇل سالىنىپ, اكىمشىلىك ءىس قوزعالدى,-دەپ حابارلادى تابيعي مونوپوليالاردى رەتتەۋ كوميتەتىنىڭ پاۆلودار وبلىسى بويىنشا دەپارتامەنتىنەن.
دەپارتامەنت «پاۆلودار-ۆودوكانال» جشس اتىنا كەنجەكول اۋىلىنىڭ تۇتىنۋشىلارى ءۇشىن رەتتەلەتىن سۋمەن جابدىقتاۋ قىزمەتىنە قول جەتكىزۋدى قامتاماسىز ەتۋ, سونداي-اق نەگىزسىز الىنعان تابىستى قايتارۋ تۋرالى نۇسقاما ەنگىزدى.
پاۆلودار وبلىسى
