فوتو: gov.kz
سوعىس جىلدارى اياداي عانا تالاس اۋىلىنان مايدانعا اتتانعان 104 ازاماتتان, 41 ازامات ورالىپ, 63 – ءى ياعني جارتىسىنان كوبى مايدان دالاسىندا ەرلىكپەن قازا تاپقان.
ولاردىڭ قاتارىندا «داڭق» وردەنىنىڭ ءىى جانە ءىىى دارەجەسىمەن ماراپاتتالعان, سەۆوستوپول قالاسىنىڭ قۇرمەتتى ازاماتى اتانعان جانسايا ماقىش ۇلى, ءىىى دارەجەلى «داڭق» وردەنىنىڭ يەسى ساتىبالدى ابدىلداەۆ, «قىزىل جۇلدىز» وردەنىمەن, بىرنەشە مەدالدارمەن ماراپاتتالعان, كاپيتان دارەجەسىندە سوعىسقا قاتىسىپ, ەرلىك كورسەتكەن نۇرىلدەن يساباەۆ, جاپسارباەۆ ءمامىتالى جانە باسقا دا بارلىق مايدانگەر مەن تىل ەڭبەكەرى بار.
ەسكەرتكىشتى جاڭارتۋعا سوعىس ارداگەرلەرىنىڭ ۇرپاقتارى باستاماشى بولعان. قاراجاتتارى مەن ۋاقىتىن اياماي, اتالارىنىڭ اماناتىن ارقالاعان ۇرپاقتىڭ بۇل ءىسى – ناعىز ازاماتتىقتىڭ, ۇلتقا دەگەن سۇيىسپەنشىلىكتىڭ بەلگىسى. ەسكەرتكىشتىڭ اشىلۋ سالتاناتىنا جەرگىلىك اتقارۋشى ورگان وكىلدەرى, اۋىل تۇرعىندارى, سوعىس جانە تىل ارداگەرلەرىنىڭ ۇرپاقتارى قاتىسىپ, ىزگى تىلەكتەرىن جەتكىزدى.
